«Սոցիալական ցանցում ուղղակի ցնցեց Վրաստանում ՀՀ արտակարգ եւ լիազոր դեսպան, ծանրորդ Յուրի Վարդանյանի՝ այս անգամ Ցեղասպանության մասին մտքի գոհարները»,- այսօր ԱԺ հայտարարությունների ժամին ասաց ԲՀԿ խմբակցության ղեկավար Նաիրա Զոհրաբյանը:
Նա հիշեցրեց, որ դեսպանը ցեղասպանություն հասկացությունն ընդունել էր շատ զավեշտալի. «Սա միակ մտքի գոհարը չէր, ինչպես փորձել էր նրա մամուլի խոսնակը ներկայացնել, թե դա ընդամենը սպրդում էր: Դեսպանը որոշեց անդրադառնալ արտագաղթի թեմային: Որպեսզի ապացուցի, որ ՀՀ-ում արտագաղթ չկա, խորհուրդ տվեց ապրիլի 24-ին տեսնել, թե ինչքան մարդ է բարձրանում Ծիծեռնակաբերդ եւ համոզվել, որ արտագաղթ չկա: Այնուհետ ցեղասպանության մասին իր խոհափիլիսոփայական մտորումներն ավարտեց եւս մեկ վիրավորական ձեւակերպմամբ՝ հույս տալով, որ 200-ամյակը ցեղասպանության մենք կնշենք, այն է՝ կտոնենք շատ ավելի բարձր մակարդակով»:
Նաիրա Զոհրաբյանի խոսքերով՝ այս ամենը մամուլի մի մասը վերածեց զավեշտի, մի մասը՝ վրդովվեց, մի մասը դա վերածեց կարիկատուրայի, եւ արտգործնախարարությունը լռում է. «Հարգելի արտգործնախարարություն, չի կարող լռությունը լինել պատասխան: Սա եզակի դեպք չէ: Մի դեսպանը գնում է նոտարում իր հավատարմագիրը վավերացնում է, նոր գնում է, մյուսը գնում է եւ նրա անձի հետ կապված սկանդալային նորություններ ենք ստանում, որ զբաղված է բիզնեսով: Փոխարեն այս շատ հարգված ծանրորդին հետ կանչեն, արտգործնախարարությունը լռում է»:
Կարդացեք նաև
Նա հորդորեց լուրջ հետեւություններ անել, հակառակ դեպքում այդպիսի գործիչներով է մեզ ընկալելու միջազգային հանրությունը:
Հռիփսիմե ՋԵԲԵՋՅԱՆ
