Հասարակական գործիչ Ազատ Արշակյանի մեկնաբանմամբ, հանցագործները նաեւ համազգեստի մեջ են լինում: Անդրադառնալով Գորիսի ոստիկանապետի մասնակցությամբ նախօրեին տեղի ունեցած ծեծկռտուքին՝ պարոն Արշակյանն ասաց. «Հանցագործություն է տեղի ունեցել, ոստիկանությունը թող ինքնամաքրման ձեւով նպաստի հանցագործության բացահայտմանը: Դա ոչ միայն Հայաստանի ոստիկանապետի հանդեպ դավաճանություն էր, այլեւ մեր՝ քաղաքացիներիս, դեմ դավաճանություն էր: Մենք ուզում ենք հարգել ոստիկանին, եթե Գորիսի ոստիկանն է հանցագործ, սահմանված կարգով պետք է ազատեն պաշտոնից, հանցագործը պետք է պատժվի»:
Հիշեցնենք, որ «Ժողովուրդ» թերթը բացահայտել էր մարտի 8-ին Գորիսում աղմկահարույց դեպք, որում ներգրավված են Գորիսի ոստիկանապետ Գեւորգ Ազիզյանը, Սյունիքի մարզի դատախազ Վազգեն Հարությունյանը, նրա տեղակալը` Ասպուր Ավետիսյանը, քննչական կոմիտեի Սյունիքի մարզային վարչության պետ Վահրամ Դաղունցը:
Արփինե ՍԻՄՈՆՅԱՆ
Ցավում եմ, որ մեր հասարակությունը դեռ պատրաստ չի ազնիվ ոստիկանի կողքին կանգնել… տեսանյութում պարզ երեվում է, որ ոստիկանապետը գործում է օրենքի և իր լիազորությունների սահմանում: Իսկ ինչ վերաբերում է Արթուր կոչվածին, ապա ասեմ, որ նա՝ լինելով ոստիկանի տղա և եղբայր, կարծել է, որ իր համար չկա ..ՈՉ.. բառը և կարող է օգտվել իր պաշտոնյա հարազատների լիազորություններից: Ինչն էլ վկայում է տեսանյութում առկա իր լկտի պահվածքը: