Լրահոս
Օրվա լրահոսը

Արթուր Աբրահամը շուտով կմեկնի ԱՄՆ

Մարտ 23,2016 20:08

Հայ պրոֆեսիոնալ բռնցքամարտիկ, WBO վարկածով աշխարհի չեմպիոն 35-ամյա Արթուր Աբրահամի եւ մեքսիկացի 24-ամյա Խիլբերտո Ռամիրեսի միջեւ մենամարտը տեղի կունենա ապրիլի 9-ին, ԱՄՆ Նեւադա նահանգի Լաս Վեգաս քաղաքում:

Մարտի 26-ին, Արթուրը կմեկնի մրցավայր: «Առավոտ»-ի հետ զրույցում մարզիկն ասաց, որ լավ տրամադրություն և տրամադրվածություն ունի. «Անգամ մարզիչս գոհ է իմ մարզավիճակից: Միշտ չէ, որ այդպես է լինում»,- ասաց Արթուրը: «Ինչպես միշտ` գնում եմ ռինգ հաղթելու: Այս մենամարտն ավելի քան պարտավորեցնող է, քանի որ ԱՄՆ-ում է, իսկ ԱՄՆ-ը բոլոր բռնցքամարտիկների համար էլ երազանք է»,- նշեց Արթուր Աբրահամը: «Մարտի 26-ին մեկնելու եմ ԱՄՆ, այնտեղ էլ, ինչպես հիմա, օրական 2 անգամ կշարունակեմ մարզվել: Պետք է պահպանեմ այս մարզավիճակս, եւ ի վերջո ապրիլի 9-ին պետք է հաղթեմ»,- եզրափակեց Արթուր Աբրահամը:

Աշոտ ՀԱԿՈԲՅԱՆ

Լուսանկարը՝ Արթուր Աբրահամի մամուլի քարտուղար Սիրան Գրիգորյանի

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2016
Երկ Երե Չոր Հնգ Ուրբ Շաբ Կիր
« Փետ   Ապր »
 123456
78910111213
14151617181920
21222324252627
28293031