Լրահոս
Օրվա լրահոսը

Գեւորգ Բուռնուչյանը՝ Ռուբեն Հայրապետյանի հայտարարության մասին. «Կարելի էր շատ ավելի այլ մակարդակով լուծել հարցը»

Մարտ 28,2016 20:30

«Հայաստան-Բելառուս խաղն ինչպես սպասվում էր, այնպես էլ եղավ։ Առաջին խաղն էր, որ թիմում շատ նորեկներ կային։ Պետք չէր հրաշքներ սպասել ու չեղան էլ այդ հրաշքները։ Նորմալ խաղ գնաց»,- այս մասին Aravot.am-ի հետ զրույցում, անդրադառնալով մարտի 25-ին տեղի ունեցած Հայաստան-Բելառուս խաղին, ասաց «Ֆուտբոլ 365» շաբաթաթերթի գլխավոր խմբագիր Գեւորգ Բուռնուչյանը։

Նա նաեւ նշեց, որ այս խաղի ընթացքում մարզիչը ծանոթանում էր հավաքականի հետ.. «Սուքիասյանի գլխավոր խնդիրն էմոցիոնալ, հին, լավ աշխատանքային մթնոլորտի վերականգնումն է։ Կարծում եմ, առաջին խաղի ընթացքում նորմալ ամեն ինչ անցավ։ Մայիսին ամերիկյան հավաք է լինելու։ Իմ կարծիքով նորմալ կարող ենք ընտրական փուլին մոտենալ»։

Գեւորգ Բուռնուչյանից հետաքրքրվեցինք, թե Ռոբերտ Արզումանյանի, Յուրա Մովսիսյանի եւ Գեւորգ Կասպարովի բացակայությունը բացասական ազդեցություն ունեցա՞վ խաղի վրա. «Մովսիսյանի 1-2 տարվա խաղով միանշանակ կարելի է ասել, որ նա մեր հավաքականի առաջատարը չէր։ Այստեղ միակ բացակայությունն Արզումանյանինը կարելի է դիտարկել, որ որակյալ կորուստ կրեցինք»։

Հիշեցնենք, որ Հայաստանի Ֆուտբոլի Ֆեդերացիայի նախագահ Ռուբեն Հայրապետյանը հայտարարել էր, թե Ռոբերտ Արզումանյանը, Յուրա Մովսիսյանը եւ Գեւորգ Կասպարովն այլեւս չեն հրավիրվի հավաքական։

Այս առնչությամբ Գեւորգ Բուռնաչյանն ասաց, որ սա հակամարտության, ստեղծված մթնոլորտի ֆոնի վրա արված հայտարարություն էր. «Կարելի էր շատ ավելի այլ մակարդակով լուծվեր ու ամեն ինչը չհասներ այսպիսի էմոցիոնալ պայթյունի։ Հասել է մի վիճակի, որ անիմաստ է մեղավորներ փնտրելը։ Պայթյուն է տեղի ունեցել, որի հետեւանքները քաղում ենք»։

Աշոտ ԻՍՐԱԵԼՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2016
Երկ Երե Չոր Հնգ Ուրբ Շաբ Կիր
« Փետ   Ապր »
 123456
78910111213
14151617181920
21222324252627
28293031