«Պատրաստ ենք օգնել ամեն ինչով, ցանկացած կերպ, եթե եկավ պահ, եղավ հայտարարություն, անհրաժեշտություն, կգնանք սահման, քանի դեռ կարիքը չկա, կփորձենք օգնել այստեղից ինչով կկարողանանք»,- ասաց քաղաքացիական ակտիվիստ Մաքսիմ Սարգսյանը: Նա նույնպես այսօր Մաշտոցի պուրակում էր՝ ռազմաճակատում կռվող հայ մարտիկների համար անհրաժեշտ ուտելիքի ու սննդի հավաքագրման ակցիային:
Նրա խոսքով, Կամավորների թիվը բավականի մեծ է, ու թեեւ չեն կասկածում, որ ՊՆ-ն ամեն ինչով ապահովում է, բայց վստահ են՝ իրենց օգնությունն էլ չի խանգարի.«Միգուցե կարիքը չկա, բայց կողքից ցանկացած աջակցություն թե ոգեւորիչ կլինի, թե կիմանանք, որ ինչ-որ բանով օգնել ենք մեր տղաներին»:
Նա նկատեց նաեւ, որ ի տարբերություն կռվից փախչող ազերիների, հայ զինվորները հայրենիքին նվիրված են.«Մեր տղաները կամավոր բոլոր մարզերից են ուղեւորվում, իսկ Ադրբեջանում ահել-ջահել, կին-տղամարդ, բոլորը փախչում են՝ թողնելով իրենց տները, հայրենիքը, սահմանը»:
«Աջակցենք սահմանամերձ բնակավայրերին» նախաձեռնության ներկայացուցիչ Սոֆյա Հովսեփյանն էլ պատմեց, որ օգնության այս նախաձեռնությունից քաղաքացիները ոգեւորված են. «Փորձում են կանգնել բանակի կողքին, հայրենիքը ցանկացած քաղաքացունն է, միայն բանակինը չէ»:
Կարդացեք նաև
Նրա խոսքով, այսօր հավաքագրած իրերը վաղը կտանեն Արցախ, իսկ այս ակցիան շարունակական է լինելու:
Արփինե ՍԻՄՈՆՅԱՆ