Լրահոս
Օրվա լրահոսը

Էդուարդ Շարմազանով. «Հենակետերի հարց չի քննարկվել». (Տեսանյութ)

Ապրիլ 05,2016 22:00

Քիչ առաջ խորհրդարանում ավարտվեց ապրիլի 2-ից ղարաբաղա-ադրբեջանական սահմանում սկսված պատերազմական գործողությունների վերաբերյալ փակ քննարկումը:

Հիշեցնենք, որ քննարկմանը մասնակցում էին ՀՀ պաշտպանության փոխնախարար Դավիթ Տոնոյանը եւ ՀՀ փոխարտգործնախարար Շավարշ Քոչարյանը:

Մոտ երեք ժամ տեւած հանդիպումից հետո, Դավիթ Տոնոյանը եւ Շավարշ Քոչարյանը այլ մուտքով դուրս եկան նիստերի դահլիճից`խուսափելով լրագրողների հետ հանդիպումից: ԱԺ փոխխոսնակ Էդուարդ Շարմազանովը տեղեկացրեց, որ հանդիպման ժամանակ հնչել է 45 հարց: Նա ասաց, որ պատգամավորները սպառիչ պատասխաններ են ստացել:

«Մեր դիվանագիտությունն ամեն ինչ անում է, որ երկու ոլորտներում էլ կարողանանք արձանագրել հաջողություններ»,- ասաց նա վերահաստատելով պաշտոնական Երեւանի դիրքորոշումը`Հայաստանը խաղաղ կարգավորման կողմնակից է եւ դատապարտում է Ադրբեջանի ահաբեկչական քաղաքականությունը: Մյուս շաբաթվանից խորհրդարանական  տարբեր պատվիրակություններ արդեն կմասնակցեն տարբեր վեհաժողովների աշխատանքներին: Էդուարդ Շարմազանովն ասաց, որ այս քննարկումից հետո մեր պատգամավորներն առավել արդյունավետ կաշխատեն:

«Ամեն ինչ լինելու է շատ հզոր, մենք ոգեւորված ենք»,- ասաց նա:

Լրագրողները հետաքրքրվեցին` ի վերջո հայտնի չդարձավ, արդյոք, ադրբեջանական կողմի ձեռքում հայկական հենակետեր կան: Էդուարդ Շարմազանովն ասաց. «Մենք նման հարց չենք քննարկվել»: Հարցերին` զինադադարի մասին ի՞նչ համաձայնություն կա, հրադադարի շուրջ քննարկումներ կամ բանակցություններ ընթանո՞ւմ են, պատասխանեց. «Զինադադարի հետ կապված այս պահին մենք տեղեկություն չունենք: Զինադադարը 1994 թվականին կնքվել է: Հիմա, միգուցե, հարաբերական անդորր է կամ պայմանավորվածություն է ձեռք բերվել, որ չկրակեն: Սա այլ բան է»:

Պատգամավորները քննարկման ընթացքում են տեղեկացել, որ Մինսկի խումբն է հայտարարություն արել, ՌԴ նախագահ Պուտինն է խոսել Ալիեւի եւ Սարգսյանի հետ: Այդ առիթով մեկնաբանություններ չհնչեցին:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2016
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930