Լրահոս
Օրվա լրահոսը

«Հայկական դաշտում որեւէ այլ խաղացող ՌԴ-ից բացի չկա». Անուշ Սեդրակյան

Ապրիլ 05,2016 23:22

Ազատ դեմոկրատներ կուսակցության փոխնախագահ Անուշ Սեդրակյանը պնդում է, որ հայկական կողմն իրավունք չունի դժգոհել միջազգային հանրության միջամտությունից ԼՂՀ կոնֆլիկտում, որովհետև Հայաստանը մի քանի անգամ խախտել է եվրահամաձայանության պայմանագրերը:

«Մեզ դրա մասին  տարբեր ռակուրսներով փափուկ հիշեցնում են, բայց մենք այդ փափկությունը չենք ընկալում»,- այսօր հ/կ-ների ներկայացուցիչների հետ հանդիպման ժամանակ ասաց տիկին Սեդրակյանը:

Նրա խոսքով, Հայաստանը ՌԴ դաշտից դուրս թողնելն այսօր մեծ խնդիր է. «Լեգիտիմ է, թե ոչ լեգիտիմ է իշխանությունը, որովհետեւ գտնվում է ռուսական տիրույթում, թե՞ ռուսական է, որովհետեւ ոչ լեգիտիմ է: Սա հավի ու ձվի պատմությունն է, երբեք չենք կարող դրա պատասխանը տալ:

ՌԴ-ի ինտեգրացիոն դաշտը երեք տիպի կոռուպցիա պարունակող դաշտ է, առաջինը իշխանության բռնազավթումն է, որոշակի սառեցված կոնֆլիկտ ունենալը եւ այն պահելը որպես լծակ եւ տնտեսական բացարձակ սնանկությունն է: Երբ նույն կոռումպացված Վրաստանը պոկվեց ռուսական տարածքից, նույնիսկ Սահակաշվիլիի նման դիկտատոր բարեփոխողը, որը կարող է որոշակի առումով  կեղծել ընտրությունները, ստիպված եղավ հեռանալ իշխանությունից:

Որովհետեւ եվրոպական տարածքում գործում են ինստիտուցիոնալ կանոնները, ռուսական տարածքում գործում են կամայական, դիկտատորական կանոնները: Ով որ զավթել է ուժը, նա, բնականաբար, շահագրգռված է ռուսական ինտեգրացիոն մոդելի մաս լինելու: Հենց որ նա մտավ եվրոպական ինտեգրացիոն մոդել, նա իշխանություն չի պահպանի, աշխատելու են ինստիտուցիաները»:

Տիկին Սեդրակյանը չի հավատում, որ Սիրիայում ամեն ինչ խաղաղ է, ՌԴ-ն արդեն դուրս է եկել այնտեղից. «Անտեղ կա երկու խաղացող ՝ՌԴ-ն եւ Ամերիկան, այնտեղ ամեն ինչ բալանսավորված է: Հայկական դաշտում որեւէ այլ խաղացող ՌԴ-ից բացի չկա  ինտեգրացիոն, մասնավորապես պատերազմական դաշտում»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2016
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930