Լրահոս
Օրվա լրահոսը

Մայոր Հայկ Թորոյանը Մատաղիսում է եղել 14 տարի. նրան փոխգնդապետի կոչում էին տալու (Տեսանյութ)

Ապրիլ 07,2016 17:25

«Ազնիվ, ֆիզիկապես առողջ տղա էր Հայկ Թորոյանը: Դրա համար էլ մինչեւ երեսուն տարեկան չամուսնացավ, որ ծառայեր ազգին: 14 տարի մնաց Մատաղիսում, հնարավորություն ուներ գալու, օրենքով ուզում էին բերել, բայց ինքը հրաժարվում էր, չէր գալիս, մնաց ու պայքարեց եւ հերոսի պես զոհվեց»,- այսօր պատմեց ադրբեջանական հարձակումներից զոհված Հայկ Թորոյանի հորեղբայրը՝ Սարգիս Թորոյանը:

Պարոն Թորոյանը Հայկի հետ վերջին անգամ զրուցել էր փետրվարի երկուսին, խնդրել, չգնա Մատաղիս մինչեւ փետրվարի տասնհինգը, որ միասին նշեն իր տարեդարձը, բայց Հայկը հրաժարվել էր. «Ասաց՝ չէ փոխգնդապետի կոչում եմ ստանալու, թղթերս բերել եմ, որ հանձնեմ ու հետ գնամ»:

Հայկի մահվան հանգամանքներից պարոն Թորոյանին հայտնի է մի քանի տեղեկություն. «Նա հերոսաբար զոհվել է, երբ որ զենքը առաջին ճակատում վերջացել է, գնացել են զենք բերեն առաջին գծի համար, վերադարձի ճանապարհին հանդիպել են հակառակորդի լուրջ դիմադրությանը, մեքենայի վարորդը զոհվել է, իջել են, որ պաշտպանվեն, այդտեղ էլ զոհվել են»:

Մանրամասները՝ տեսանյութում

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2016
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930