Ինչպե՞ս է ՀՅԴ-ն վերաբերվում ղարաբաղա-ադրբեջանական շփման գծում խաղաղապահներ տեղակայելու հավանականությանը: Այսօր խորհրդարանական ճեպազրույցներում այս հարցին ի պատասխան, ՀՅԴ խորհրդարանական խմբակցության ղեկավար Արմեն Ռուստամյանն ասաց, որ քանի դեռ Հայաստանը կարողանում է վերահսկել վիճակը, խաղաղապահների տեղակայման անհրաժեշտություն չի տեսնում:
Հիշեցնենք, գերմանական Deutsche Welle հեռուստառադիոընկերությանը տված հարցազրույցում ՀՀ նախագահ Սերժ Սարգսյանը ասել էր, որ Հայաստանը երբեք էլ դեմ չի եղել խաղաղապահների տեղակայմանը:
«Դա կարող է մտնել ինչ-որ երկրների քաղաքական շահերի մեջ: Ի վերջո, պետք է իմանանք, որ ստեղծվել է նոր իրավիճակ, որին միջազգային հանրությունը պետք է համապատասխան արձագանքներ տա: Մենք հենց այդ ուղղությամբ էլ աշխատում ենք, մենք պետք է ինքներս ձևավորենք այդ թղթածրարը Ադրբեջանի դեմ, ինչի բոլոր հիմքերը ունենք: Հստակ պետք է ամրագրվի, թե ով սկսեց հարձակումը, ապա ագրեսորին սանձելու մեխանիզմներ գործի դնել՝ սկսած էմբարգոյից մինչև ազդեցության այլ միջոցներ»,- ասաց Արմեն Ռուստամյանը:
Նրա կարծիքով, այդ թղթածրարը պետք է ամրագրի այն ռազմական հանցագործությունները, որոնք իրականացրել է Ադրբեջանը՝ մարդկանց գլուխներ կտրել, կանանց, երեխաների խոշտանգումներ, արգելված զենքերի կիրառում:
Կարդացեք նաև
Նելլի ԳՐԻԳՈՐՅԱՆ
