Անկախ պետությունների համագործակցության (ԱՊՀ) անդամ պետությունների ԱԳ նախարարները համատեղ հայտարարություն են տարածել Լեռնային Ղարաբաղի հակամարտության վերաբերյալ։ Հայտարարության տեքստը տեղադրված է ՌԴ ԱԳ նախարարության պաշտոնական կայքում։
ԱՊՀ արտաքին գերատեսչության ղեկավարների տարածած հայտարարության մեջ մասնավորապես ասվում է. «ԱՊՀ-ն խոր անհանգստությամբ է ընդունում ԼՂՀ հակամարտության շփման գոտում ռազմական բախումների մասին լուրերը, որոնք պատճառ են դարձել բազմաթիվ զոհերի, այդ թվում քաղաքացիական բնակչության շրջանում։ Կողմերին կոչ ենք անում խստորեն հետևել ռազմական գործողությունների դադարեցմանը և զսպվածություն դրսևորել՝ մարդկային հետագա զոհեր թույլ չտալու համար։ Անհրաժեշտ է հնարավորինս շուտ նախաձեռնել գործողություններ, որոնք կնպաստեն իրավիճակի կայունացմանը և ակտիվացնել ջանքերը՝ հակամարտությունը կարգավորելով ԵԱՀԿ Մինսկի խմբի հռչակած սկզբունքների հիման վրա»։
Ավելացնենք, որ լրատվամիջոցների ուշադրության կենտրոնում են հայտնվել Հայաստանի և Ադրբեջանի ԱԳ նախարարները, որոնք մասնակցել են Մոսկվայում ընթացող ԱՊՀ արտաքին գործերի նախարարների խորհրդի հերթական նիստին։ Լրատվամիջոցների ներկայացուցիչները ֆիքսել են Նալբանդյանին և Մամեդյարովին, որոնք մի պահ ողջունել են միմյանց, ձեռք սեղմել և կարճ զրույց ունեցել։
Կարդացեք նաև
Այսինքն բարիշել ե՞ն, թե՞ Լավրովից են վախեցել: