Լրահոս
Օրվա լրահոսը

Տիկնիկային թատրոն՝ սահմանամերձ Բերդում

Ապրիլ 14,2016 22:15

Ապրիլի 14-ին սահմանամերձ Բերդ քաղաքի մշակույթի տան լեփլեցուն դահլիճում կայացավ տիկնիկային ներկայացում: Բեմադրությունը Հովհաննես Թումանյանի հեքիաթների մոտիվներով էր՝ ժամանակակից շեշտադրումներով:

Այն կազմակերպել էր Բերդի մշակույթի տան տնօրեն Տանյա Մելիքյանը: Տիկնիկները պատրաստել է Մարինե Մելքումյանը, ով գեղարվեստի ակադեմիան է ավարտել: Տիկնիկներին հանդերձավորել է Բերդի մշակույթի տան աշխատակից Նունե Ոսկանյանը:

tiknik-2 tiknik-3

Բերդ քաղաքի պատմության եւ կենցաղի թանգարանի տնօրեն Արթուր Երկանյանը հայտնեց, որ տիկնիկները ցուցադրվել եւ ցուցադրվելու են թանգարանում: Ներկայացման մեջ տիկնիկներին խաղարկել են բերդցի դպրոցականները:

Ապրիլի 15-ին տիկնիկային ներկայացմանը ներկա կլինեն Բերդ քաղաքի 2 մանկապարտեզների սաները: Բերդի քաղաքապետարանի շնորհիվ սահմանամերձ քաղաքի մշակութային կյանքն աշխուժացել է:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2016
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930