Լրահոս
Օրվա լրահոսը

«Ինձ համար շատ կարևոր է փառատոնում հայկական ֆիլմեր ընդգրկելը». Նորա Արմանի

Ապրիլ 15,2016 23:25

Այս օրերին Հայաստանում է գտնվում ամերիկահայ հայտնի դերասանուհի, կինոռեժիսոր, պրոդյուսեր, Նյու Յորքի “Socilly relevant film festival”-ի կազմակերպիչ Նորա Արմանին:

Նա այսօր Երևանի կամերային թատրոնում մրցանակներ հանձնեց 2016 թվականի մարտի 14-20-ը Նյու Յորքում կայացած “Socilly relevant film festival”-ին մասնակցած և մրցանակների արժանացած հայ կինոռեժիսորներին:

Փառատոնն արդեն երրորդ անգամ է անցկացվում. «Առաջին տարում շատ դժվարություններ ունեցանք, սակայն կարողացանք 55 ֆիլմ ցուցադրել: Դրանցից 7-ը հայկական էին»,- ասաց կինոփառատոնի կազմակերպիչը:

Նա պատմեց, որ այսպիսի փառատոն ունենալու գաղափարը ծնվել է մի քանի տարի առաջ. «Արդեն հոգնել էինք ամեն ֆիլմի պաստառի վրա հրացան, արյուն, դանակ տեսնելուց: Ցանկացանք մարդկանց այլ ֆիլմեր ցույց տալ: Մարդկային, հասարակական հարցեր արծարծող: Ոչ մի վայրագություն»,- նշեց Նորա Արմանին:

Փառատոնում այս տարի ներկայացված հայկական ֆիլմերից են Արա Երնջակյանի «Խավարում»-ը, Ռուբեն Փաշինյանի «Տղա՛ս, ու՞ր է Եփրատը», Մարինե Քոչարյանի և Սոնա Քոչարյանի «Ինչպես անցնել (Ջիլիզից Ջիլիզ)»-ը, Աննա Բայաթյանի «Արդեն գիտեմ»-ը, Արեն Մալաքյանի «Աղջիկը լուսնի վրա»-ն:

Նորա Արմանին մրցանակներ հանձնեց «Խավարում» և «Ինչպես անցնել (Ջիլիզից Ջիլիզ)» ֆիլմերի ռեժիսորներին:

«Ինձ համար շատ կարևոր է փառատոնում հայկական ֆիլմեր ընդգրկելը,- ասաց նա,- դրանք Նյու Յորք հասցնելն արդեն իսկ հաղթանակ է: Մեծ բավականություն եմ ստանում, երբ կարողանում եմ մեր հայկական ֆիլմերն ամերիկյան փառատոնում ներկայացնել»:

Սիրանուշ ՀԱՅՐԱՊԵՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2016
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930