Լրահոս
Օրվա լրահոսը

Փառատոն Գյումրիում՝ Սերժ Սարգսյանի ընտանիքի անդամների ու Հայոց կաթողիկոսի նախագահությամբ (Տեսանյութ, ֆոտոշարք)

Ապրիլ 16,2016 22:26

Երեկ Գյումրու Վարդան Աճեմյանի անվան դրամատիկական թատրոնում մեծ հանդիսավորությամբ բացվեց «Արվեստն ընդդեմ պատերազմների ու ահաբեկչության» խորագիրը կրող «Վերածնունդ» միջազգային մրցույթ-փառատոնը: Այն արդեն 8-րդ անգամ է անցկացվում Գյումրիում:  Այս տարվա փառատոնը թեեւ նվիրված էր ՀՀ անկախության 25-րդ  ամյակին, սակայն ելույթ ունեցողներից շատերը, այդ թվում եւ օտարերկրացի մասնակիցներ այն նվիրեցին սահմանում կանգնած մեր հայրենիքի պաշտպաններին:скачанные файлы veracnund gyumri

Մրցույթ -փառատոնին այս տարի 36 երկրներից՝ ԱՄՆ-ից, Ավստրիայից, Մեծ Բրիտանիայից, Շվեդիայից, Չինաստանից, Կանադայից, Ռուսաստանից, Իսպանիայից, Լեհաստանից, Գերմանիայից, Բելգիայից, Սերբիայից, Լիտվայից, Բելառուսից ու այսպես շարունակ մասնակցում էին մոտ 3000 հոգի: Նշենք, որ նրանց թվում էր  Չինաստանի ամենամեծ քաղաքներից մեկի՝ Սիանի պատվիրակությունը, այն քաղաքի, որը օրերս Գյումրու քաղաքապետին շնորհել է Սիանի պատվավոր քաղաքացի: Փառատոնը իրականացնող կազմակերպություններ են՝ ՀՀ մշակույթի նախարարությունը, «Փյունիկ» համահայկական հիմնադրամը, որի հոգաբարձուների խորհրդի նախագահը Սերժ Սարգսյանի եղբայրն է՝ Լեւոն Սարգսյանը,  եւ Երեւանի պետական կոնսերվատորիայի Գյումրու մասնաճյուղը:  «Վերածնունդ» փառատոնի հոգաբարձուների խորհրդի պատվավոր նախագահներ են Ամենայն Հայոց կաթողիկոսը ու Սերժ Սարգսյանի կինը՝ Ռիտա Սարգսյանը:VeracnundBalasanyan

Պարբերաբար հնչում էին հուզիչ ելույթներ, հատկապես սփյուռքահայ մասնակիցների կողմից. Մեծ Բրիտանիայում բնակվող աշխարհահռչակ ջութակահար Լեւոն  Չիլինգարյանը հարթակը օգտագործեց Արցախի հարցը բարձրացնելու օտարերկրյա մասնակիցների մոտ: Նա հույս հայտնեց, որ աշխարհը ավելի խաղաղ պիտի լինի: Իսկ երբ նա բեմ բարձրացավ  ու վաստակավոր արտիստ, միջազգային մրցույթների դափնեկիր Կոմիտասի անվան պետական կոնսերվատորիայի դաշնամուրային ֆակուլտետի դեկան Բաբախանյանի հետ սկսեց կատարել Կոմիտասի «Կռունկ»-ը,  նկատեցինք, որ արցունքներ հոսեցին անգամ չինացի մասնակիցներ աչքերից:

https://www.youtube.com/watch?v=kEHu69Pnn10&feature=youtu.be

Գյումրու քաղաքապետ Սամվել Բալասանյանն էլ հայտարարեց, թե թշնամին պայքարող է, թող պայքարի արվեստի, սպորտի բնագավառում, որտեղ իրենից ոչինչ չի ներկայացնում: Այս ամենն անմիջապես թարգմանվում էր քաղաքապետի հետ բեմ բարձրացած չինացիների համար:  Նշենք, որ  դրսից եկած երաժիշտները բարեգործական համերգներ կտան, որից ստացված ողջ հասույթը կփոխանցվի Արցախին, վերջիններս մեծ հաճույքով համաձայնել են Արցախի համար համերգներ տալու:

Նունե ԱՐԵՎՇԱՏՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. anna says:

    փող լվանալու մեծ հնարավորություններ են բացվում։Իսկ ինչ բերաբերում է Կոմիտասի “Կռունկ”ին ապա չինացիները լալիս էին Չիլինկիրյանի “ֆալշերից” և կեղծ շարժումներից․որով քողարկում է իռ մակերեսային կատարումը։

Պատասխանել

Օրացույց
Ապրիլ 2016
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930