Լրահոս
Օրվա լրահոսը

Ամերիկյան պարբերականի անդրադարձը Հայաստանին և մեր հարևաններին

Ապրիլ 29,2016 11:35

Ամերիկյան հանրահայտ The Daily Caller պարբերականը ծավալուն անդրադարձ է հրապարակել Հայաստանի Հանրապետության վարած քաղաքականության և մեր հարևան պետությունների մասին։

Հայտնի լրատվամիջոցի էջերում տեղ գտած հոդվածի սկզբնական հատվածում մանրամասն ներկայացվում է Ռուսաստանի Դաշնության ազդեցության գործոնը Հայաստանի Հանրապետության ներքին և արտաքին քաղաքականության վրա, որից հետո հոդվածագիրը պնդում է, որ ապակողմնորոշիչ կլինի պնդումը, թե Հայաստանը արևմտամետ և ժողովրդավարական երկիր է։

Վերլուծականի հեղինակը Հայաստանի քաղաքական, տնտեսական և դիվանագիտական կախվածությունը Ռուսաստանի Դաշնությունից համարում է խորը թյուրիմացություն անկախ պետություն կառուցելու գործում։

Հայ-իրանական հարաբերությունների անդրադարձի շրջանակներում նշվում է, որ Իրանին դուր չեն գալիս Ադրբեջանի ջերմ հարաբերությունները Իսրայելի և ԱՄՆ-ի հետ, և այդ ամենն անդրադառնում է նաև հայ-իրանական և հայ-ադրբեջանական հարաբերությունների վրա, և Իրանը որոշակի աջակցություն է ցուցաբերում Հայաստանին։ Հոդվածագիրը պնդում է նաև, որ Հայաստանն ավելի լավ հարաբերություններ ունի մուսուլմանական Իրանի, քան քրիստոնյա Վրաստանի հետ։

Հայաստանի և մեր հարևանների մասին վերլուծականի մեջ նշվում է, որ Հայաստանը սպառնալիք է Թուրքիայի և ՆԱՏՕ-ի համար միայն այն պատճառով, որ մեր երկրում է գտնվում ռուսական ռազմաբազան և սա չի կարող անհանգստության պատճառ չդառնալ Արևմուտքի և Թուրքիայի համար։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2016
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930