Այսօր ԱԺ-ում ճեպազրույցի ժամանակ «Ժառանգության» պատգամավոր Զարուհի Փոստանջյանն ասաց, որ սպառազինության գնման համար այս պահին բյուջեում գումար չկա, առաջին գումար ներդրողը պետք է լիներ Սերժ Սարգսյանը եւ առաջին մուտքը իր կողմից պետք է լիներ՝ 100 մլն դոլար: Եթե մյուսներն էլ իրենց գումարները դնեին՝ կունենայինք նորմալ սպառազինություն. «Այս մարդկանց ձեռքում կուտակվածը մեր երկրի հարստությունն է»:
Մեր հարցին՝ երեկ ՀՀԿ-ականները բուռն արձագանքեցին Ձեր ելույթին, Նաիրա Զոհրաբյանն էլ ասաց, որ անբարոյական է շահարկել զինվորների թափած արյունը, Դուք ինչպե՞ս եք արձագանքում այդ ամենին՝ Զարուհի Փոստանջյանը պատասխանեց. «Ինքը երեւի լավ չի հասկացել, ես ասել եմ ցավալի իրականությունը, որն այսօր գոյություն ունի: Այսօր ՀՀ-ի եւ ԼՂՀ-ի անվտանգության երաշխավորողը եղել է մեր հայ զինվորը՝ 20 տարեկան, որ կանգնած է առաջին գծում եւ իր հերոսության շնորհիվ է, որ կարողացել ենք վտանգը ինչ-որ չափով հեռացնել: Ըստ նրա, պաշտոնյաներն իրենց տեղում չեն եղել, իսկ առաջին տեղում չլինողը Սերժ Սարգսյանն է»:
Մեր հարցին՝ երեկ նաեւ Ձեր ելույթում ասացիք, որ Արցախում դուռ են շխկացրել Սերժ Սարգսյանի երեսին, դա փոխաբերակա՞ն իմաստով ասացիք, թե՞ իսկապես նման պատմություն կա եւ շխկացրել են՝ նա պատասխանեց. «Դա իրականություն է: Արցախի հայտարարությունները միանշանակ փաստում են, որ այն անձինք, որոնք խոսում են որեւէ տարածքի հանձնման մասին, դրանք դավաճաններ են եւ դրանց ոչ միայն պետք է դուրս շպրտել, այլեւ՝ գնդակահարել; Նրանք ենթակա են գնդակահարման»:
Հռիփսիմե ՋԵԲԵՋՅԱՆ
էլի անհարմար բան ստացվեց….
Յա, հիմա էլ հայրենասեր ենք խաղում:
Մի հարց Զարուհի Փոստանջյանին,
Դու ինչպես ես օգնել մեր զինվորներին? դե ասա ինչով որ գոնե քեզ էլ հավատանք․