Լրահոս
Օրվա լրահոսը

ՀՅԴ Արեւմտյան Ամերիկայի Կենտրոնական կոմիտեն որոշել է վերականգնել ավերված շենքերն Արցախում

Ապրիլ 30,2016 09:30

ՀՅԴ Արեւմտեան Ամերիկայի Կեդրոնական Կոմիտէն հրապարակած է յայտարարութիւն

Արցախի հերոսական ժողովուրդը իր երիտասարդներուն թափած թանկագին արեան գնով կը պաշտպանէ մեր հայրենիքի սահմանները: Իր նահատակ զաւակը հողին յանձնող մայրը, արտայայտելով Արցախի քաջարի ժողովուրդին զգացումները՝ մեզ յստակօրէն կը պատգամէ, որ «մենք թանկագին կեանքեր կորսնցուցինք՝ մեր հողը պաշտպանելու համար: Մէկ թիզ հող իսկ պիտի չյանձնենք թշնամիին»:

Ատրպէյճանական ուժերուն Արցախի վրայ վայրագ յարձակումները՝ Ապրիլ 2-ին, ո՛չ միայն ապակայուն վիճակ ստեղծած են տարածաշրջանէն ներս, այլեւ ամբողջական պատերազմի մը բռնկումը հաւանական դարձուցած են՝ վտանգելով Արցախի եւ իր ժողովուրդի գոյութիւնը: Արցախի Պաշտպանական բանակը կանգնեցուց այս յարձակումները եւ ուժեղ հարուածով ետ շպրտեց թշնամի ուժերը, սակայն  աւերուեցան Թալիշն ու Մատաղիսը, եւ ծանր վնասներ հասցուեցան Մարտակերտին: Այս սադրիչ յարձակումները քաղաքացիական ու զինուորական բազմաթիւ զոհերու եւ վիրաւորներու պատճառ դարձան:

Մենք կը վերահաստատենք մեր զօրակցութիւնը Արցախի ժողովուրդին, կառավարութեան եւ Պաշտպանութեան բանակին, իրենց  մարդկային իրաւունքներու բռնաբարման այս վերջին դրսեւորման դէմ կանգնելու ճիգին մէջ:

ՀՅԴ Արեւմտեան Ամերիկայի Կեդրոնական Կոմիտէն, անսալով Արցախի մեր եղբայրներու կոչին՝ վճռած է կարեւոր դեր ստանձնել, շուտով վերականգնելու համար քանդուած շէնքերը, որպէսզի մեր հայրենակիցները վերադառնան իրենց բնականոն կեանքին, եւ որպէսզի Ատրպէյճանին համար յստակ դառնայ, թէ իր զինուորական ուժով ու սպառնալիքով չի՛ կրնար կոտրել հայ ժողովուրդին կամքը՝ ո՛չ Արցախի մէջ, ո՛չ Սփիւռքով մէկ:

Կեդրոնական Կոմիտէս կոչ կ՛ուղղէ շրջանիս հայութեան միանալու Հայ Մշակութային Միութեան «Արցախի Հետ» եւ Հայ Երիտասարդաց Դաշնակցութեան «Մեր Զինուորներուն Հետ» զոյգ նախաձեռնութիւններուն, ապահովելու համար Արցախի բնակչութեան անվտանգութիւնը եւ ամրացնելու համար Արցախի անկախ պետականութիւնը:

Արցախի Ազգային Ազատագրական Պայքարը սկիզբ առաւ 1988ին, եւ արցախցին կենաց-մահու պատերազմ մղելու պարտադրուեցաւ 1990ի առաջին տարիներուն: ՀՅԴ Արեւմտեան Ամերիկայի կազմակերպութիւնը՝ իր շարքերով, համակիրներով եւ ուղեկից կառոյցներով, մի՛շտ կանգնեցաւ Արցախի կողքին եւ իր բոլոր հնարաւորութիւնները ի սպաս դրաւ, անոր ապահովութիւնը երաշխաւորելու համար: Ժամանա՛կն է, որ վերանորոգենք մեր յանձնառութիւնը՝ աջակցելու հայրենի մեր արիասիրտ եղբայրներուն ու քոյրերուն:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2016
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930