Լրահոս
Օրվա լրահոսը

Ինեսսա Վարդանյան. Աշխատանքային օրենսգրքով աշխատողների իրավունքներն ավելի պաշտպանված են

Ապրիլ 30,2016 13:18

«Չէի ասի, որ Աշխատանքային օրենսգիրքն այդքան թերի մշակված օրենսգիրք է, չէի ասի, որ կան շատ բացեր»,- ապրիլի 30-ին «Դիալոգ» մամուլի ակումբում լրագրողների հետ հանդիպման ընթացքում ասաց Փաստաբանների պալատի անդամ Ինեսսա Վարդանյանը:

Ըստ նրա, Աշխատանքային օրենսգիրքը պաշտպանում է թե՛ աշխատողի, թե՛ գործատուի իրավունքները, ավելին՝ բանախոսի կարծիքով՝ աշխատողների իրավունքներն ավելի պաշտպանված են: Նա համարում է, որ այստեղ խնդիրներն այլ են՝ իրավագիտակցությունը, աշխատողները, որոնք գիտակցում են, որ իրենց իրավունքները խախտվել են, բայց բավարար միջոցներ չունի դատական կարգով խնդիրը լուծելու համար, եւ այն աշխատողները, որոնք ունեն ընտանիք պահելու  խնդիր:

«Յուրաքանչյուր տարի ավելի շատանում են այն աշխատողները, որոնք փորձում են դիմել դատարան: Ինչո՞ւ, որովհետեւ նույնիսկ չգիտեն մարդիկ, որ օրինակ՝ փաստաբանին վճարված գումարը դատական ներկայացուցչության համար ենթակա է հատուցման, եթե իհարկե՛, վեճը եղել է քո օգտին: Այսինքն՝ մարդը մտածում է՝ մի հատ էլ փաստաբանին գումար տամ, հանկարծ չհաղթենք, աշխատավարձն էլ այնքան քիչ է, իմաստը ո՞րն է»,- ասաց Ինեսսա Վարդանյանը:

Ամի ՉԻՉԱԿՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2016
Երկ Երե Չոր Հնգ Ուրբ Շաբ Կիր
« Մար   Մայիս »
 123
45678910
11121314151617
18192021222324
252627282930