«Նախատեսված կարճատեւ հաղթական պատերազմը, որի արդյունքում հակամարտող կողմերը պետք է ստորագրեին Ռուսաստանի կողմից առաջարկվող համաձայնագիրը, որի բովանդակությունը հիմնականում բոլորիս հայտնի է եւ ի թիվս այլ պայմանների նախատեսում է տարածքների վերադարձ եւ խաղաղապահների տեղակայում, իսկ Ռուսաստանը ներկայանար որպես խաղաղության հաստատման միակ միջնորդ, ձախողվեց: Տեղի ունեցավ դա հիմնականում մարդկային գործոնի՝ հայ զինվորի արիության, անձնազոհության, զարմանալի մարտունակության, ինչպես նաեւ կամավորների դեպի ճակատ անսպասելի մեծ հոսքի շնորհիվ: Սակայն այս անհաջողությունը ոչ մի դեպքում չի նշանակում, որ հարձակման նախաձեռնողները հետ կկանգնեն իրենց ներկայիս ծրագրից՝ պատերազմական գործողությունների միջոցով հասնել իրենց նպատակների իրականացման», նման տեսակետ հայտնեց «Առավոտ»-ի զրուցակիցը` ՀՀ ԱԳՆ ՆԱՏՕ-ի բաժնի նախկին վարիչ, Ժողովրդավարության, անվտանգության և զարգացման հայկական կենտրոնի փորձագետ Մարթա Այվազյանն անդրադառնալով ապրիլի 2-ին Ադրբեջանի սանձազերծած պատերազմի նպատակներին:
ՀՀ ԱԳՆ ՆԱՏՕ-ի բաժնի նախկին վարիչ, Ժողովրդավարության, անվտանգության և զարգացման հայկական կենտրոնի փորձագետ Մարթա Այվազյանը
«Հաշվի առնելով ստեղծված իրավիճակը եւ, նաեւ, այս իրադարձություններին միջազգային անդրադարձը, հնչած խիստ գնահատականները, որոնք այս պահին ակնհայտորեն ի նպաստ են հայկական կողմին, չեմ կարծում, որ հակառակ կողմը, մոտ ժամանակներս կառաջնորդվի նույն սցենարով, այսինքն` գոնե միջազգային հանրության աչքերում ինքը կրկին իր վրա կվերցնի նախահարձակի, հրադադարը խախտողի դերը եւ կվերսկսի լայնածավալ պատերազմական գործողություններն ամբողջ ճակատով: Սա շահեկան չէ ոչ Ռուսաստանի համար, ոչ Ադրբեջանի եւ հղի է իրենց համար անկանխատեսելի հետեւանքներով: Ավելի հավանական է, որ փորձ կարվի ծրագրի իրականացման համար համապատասխան իրավիճակ ստեղծել հայկական կողմի նախաձեռնած ռազմական գործողությունների միջոցով», նշեց մեր զրուցակիցը:
ՀՀ ԱԳՆ ՆԱՏՕ-ի բաժնի նախկին վարիչ, Ժողովրդավարության, անվտանգության և զարգացման հայկական կենտրոնի փորձագետ Մարթա Այվազյանի հետ հարցազրույցն ամբողջությամբ կարող եք կարդալ` մայիսի 4-ի տպագիր «Առավոտ»-ում:
ԷՄՄԱ ԳԱԲՐԻԵԼՅԱՆ
Կարդացեք նաև
Լուսանկարը` Hetq.am-ի
«ՀՀ ԱԳՆ ՆԱՏՕ-ի բաժնի նախկին վարիչ»
այո, ուրեմն, պէտք է որ լաւ մը լսենք թէ ինչ է ասում այս Տիկինը
որպէսզի՝ ըսածներին ճիշդ եւ ուղղակի հակառակը կատարենք