Մոսկվան հնարավոր է համարում Լեռնային Ղարաբաղի խնդրի քաղաքական կարգավորման գաղափարների փաստաթղթային ձեւակերպումը, թեեւ դա բարդ է, РИА Новости-ի հետ հարցազրույցում հայտարարել է Ռուսաստանի ԱԳՆ ղեկավար Սերգեյ Լավրովը:
«Հավանաբար, կրքերը պետք է հանդարտվեն, դա հասկանալի է: Սակայն քաղաքական գործընթացը, քաղաքական կարգավորումը այլընտրանք չունեն: Եվ կան հայտնի գաղափարներ, որոնք կողմերը քննարկել են: Ես առաջվա պես համոզված եմ, որ թեեւ բարդ է, սակայն հնարավոր է փաստաթղթավորել, որոնք ընդունելի կլինեն բոլոր կողմերին», – հայտարարել է Լավրովը: