Լրահոս
Օրվա լրահոսը

Արփինե Հովհաննիսյանն ընդունել է ՄԱԿ-ի բարձրաստիճան պաշտոնատար անձանց պատվիրակությանը

Մայիս 05,2016 20:33

Հայաստանի Հանրապետության արդարադատության նախարար Արփինե Հովհաննիսյանն այսօր ընդունել է Հայաստանում ՄԱԿ-ի մշտական համակարգող/ՄԱԶԾ մշտական ներկայացուցիչ Բրեդլի Բուզետտոյի գլխավորած պատվիրակությանը:

Հանդիպմանը ներկա են եղել նաև արդարադատության նախարարի տեղակալ Վիգեն Քոչարյանը, Եվրոպական հանձնաժողովի և ՄԱԿ-ի Զարգացման ծրագրի ընտրությունների աջակցության միացյալ աշխատախմբի ընտրական աջակցության հարցերով մասնագետ Դան Մալինովիչը, ինչպես նաև ՄԱԿ-ի ներկայացուցիչներ Զորան Տրայկովսկին և Ռոման Շպակը:

Արդարադատության նախարար Արփինե Հովհաննիսյանը բարձր է գնահատել ՄԱԿ-ի ներկայացուցիչների հետ երկկողմ համագործակցությունը և կարևորել դրա հետագա ընդլայնումն ու խորացումը:

Հանդիպման ընթացքում կողմերը քննարկել են ՀՀ ընտրական օրենսգրքի նախագծին վերաբերող մի շարք հարցեր, մասնավորապես, անդրադարձել են տեխնիկական սարքավորումների կիրառմանն ու դրանց համար անհրաժեշտ պայմանների ապահովմանը:

ՀՀ ԱՆ տեղեկատվության և հասարակայնության հետ կապերի վարչություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031