ՀՀ ԱԺ ՀՀԿ խմբակցության պատգամավոր Սամվել Նիկոյանը կարծում է, որ Հայաստանի կողմից ԼՂՀ անկախության ճանաչման պահը դեռ չէ:
«Հայելի» ակումբում լրագրողների հետ հանդիպմանը պարոն Նիկոյանը հստակեցրեց, թե ինչ ընթացակարգով է քննարկվելու ԱԺ պատգամավորներ Զարուհի Փոստանջյանի եւ Հրանտ Բագրատյանի՝ «Արցախի Հանրապետությունը ճանաչելու մասին» ՀՀ օրենքի նախագիծը:
Հիշեցնենք, որ երեկ կառավարությունը հաստատեց Ազգային ժողովի պատգամավորներ Զարուհի Փոստանջյանի եւ Հրանտ Բագրատյանի՝ «Արցախի Հանրապետությունը ճանաչելու մասին» ՀՀ օրենքի նախագծի վերաբերյալ կառավարության եզրակացությանը:
Պարոն Նիկոյանը հստակեցրեց, որ դա բացասական եզրակացություն է: Հետևաբար` այդ նախաձեռնությունը կքննարկվի ԱԺ արտաքին հարաբերությունների հանձնաժողովում. «Եթե հանձնաժողովը դրական եզրակացություն տա, ապա նախաձեռնությունը կմտնի ԱԺ օրակարգ, բացասական եզրակացության դեպքում այն կդրվի քվեարկության, որից հետո պարզ կլինի այն կմտնի ԱԺ օրակարգ , թե` ոչ: Եթե քվեարկությամբ որոշվի, որ այն մտնում է ԱԺ օրակարգ, դրան հետևելու է ևս մեկ քվեարկություն, որից հետո պարզ կլինի` արդյոք նախաձեռնությունը մտնելու է ԱԺ քառօրյա նիստերի օրակարգ, թե` ոչ»:
Կարդացեք նաև
Տաթև ՀԱՐՈՒԹՅՈՒՆՅԱՆ
