«Էրեբունի» բժշկական կենտրոնի վերակենդանացման բաժանմունքում գտնվող քառօրյա պատերազմում ծանր վիրավորում ստացած 19 ամյա Ռուբեն Առաքելյանի եւ Արման Լազգիյանի ծնողներն իրենց որդիներին արտերկիր տեղափոխելու համար դրամահավաք են կազմակերպել:
Դրսում բուժումը յուրաքանչյուրի համար կարող է արժենալ մոտ 100 հազար եվրո: Կառավարությունը վստահեցրել էր, որ քառօրյա պատերազմում վիրավորված զինծառայողների՝ արտերկրում բուժումը պետությունը կհոգա: Մինչդեռ ծնողները հույսն իրենց վրա են դրել:
Հանրության մի մասի մոտ կասկած կա, որ կառավարությունը խուսափում է տղաների բուժման ծախսերը հոգալ:
Արդյոք կառավարությունը խուսափում է իր վրա վերցնել Գերմանիայում տղաների բուժումը, ինչո՞ւ է ձգձգվում նրանց արտերկիր տեղափոխելու՝ կառավարության որոշումը: Արդյոք վստահելի չէ՞ր օրերս Ֆրայբուրգի կլինիկայի գերմանացի բժիշկների տված այն գնահատականները, ըստ որոնց, հայ մասնագետներն արել են այն, ինչ իրենք կանեին Գերմանիայում:
Կարդացեք նաև
Տղաների բուժման եւ արտերկիր տեղափոխելու ռիսկերի եւ հնարավորությունների, պետական ֆինանսավորման մասին «Առավոտը» զրուցել է առողջապահության նախարար Արմեն Մուրադյանի հետ:
Նախարարի դիրքորոշումը՝ տղաներին Գերմանիա տեղափոխելու առնչությամբ, կարդացեք վաղվա տպագիր «Առավոտում»:
Նելլի ԲԱԲԱՅԱՆ
