Լրահոս
Օրվա լրահոսը

24 միլիոն վարկային ռեսուրս՝ Երեւանում նոր աղբավայրի համար

Մայիս 11,2016 18:04

Երեւանի փոխքաղաքապետ Կամո Արեյանը մայիսի 11-ին Ազգային ժողովի նիստի ընթացքում ներկայացրեց Երեւանի կոշտ թափոնների ծրագիր վարկային համաձայնագիրը վավերացնելու մասին հարցը:

Նա իր զեկույցի ընթացքում նշեց, որ ծրագիրն, ընդհանուր առմամբ, վերաբերվում է Երեւան քաղաքում քաղաքային նոր աղբավայր կառուցելուն: Ծրագրի ընդհանուր արժեքն է 24 միլիոն վարկային ռեսուրս, որից 8 միլիոն եվրոն տրամադրում է Վերակառուցման եւ զարգացման եվրոպական բանկը, 8 միլիոն եվրոն՝ Եվրոպական ներդրումային բանկը եւ 8 միլիոն եվրոն՝ Եվրոպական միության Հարեւանության ներդրումային գործիքը: Կամո Արեյանը հայտնեց, որ վարկային ռեսուրսի 8 միլիոնը դրամաշնորհ է:

«Դեռեւս 1950-ականներից ձեւավորված մայրաքաղաքի Նուբարաշեն թաղամասի բաց աղբավայրը իր բնապահպանական, առողջապահական, սոցիալական, քաղաքաշինական տեսանկյունից խնդրահարույց է, վտանգավոր եւ հետագա շահագործման տեսանկյունից անթույլատրելի: Բոլոր առումներով շահագործվող աղբավայրը այսօր որեւէ կերպ մազաչափ անգամ չի համապատասխանում միջազգային ստանդարտներին, որոնք սահմանված են եվրոպական կոնվենցիաներով քաղաքային աղբավայրերի շահագործման ուղղությամբ:

Որեւէ ստանդարտի, որեւէ չափորոշիչի չի դիմանում քաղաքային այս աղբավայրը: Հետեւապես, դրա հետագա շահագործումը համարվում է անթույլատրելի, որքան որ անթույլատրելի է այդ շահագործումը բնապահպանական, առողջապահական սոցիալական տեսանկյունից, նույնքան հրատապ, անհետաձգելի եւ անհրաժեշտ է քաղաքային նոր աղբավայրի կառուցումը»,- ասաց Կամո Արեյանը:

Երեւանի փոխքաղաքապետը նշեց, որ գործող 30 հա-ին հարակից առանձնացվել է 29 հա եւ բաժանվել է հինգ գոտիների: Այդ 29 հա-ի վրա պետք է ստեղծվի նոր աղբավայրը, այն ցանկապատվելու է, ունենալու է արտաքին լուսավորություն:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031