Լրահոս
Օրվա լրահոսը

Կյանքից հեռացել է ՀՀ արվեստի վաստակավոր գործիչ, կոմպոզիտոր Յուրի Գևորգյանը

Մայիս 11,2016 19:11

ՀՀ մշակույթի նախարարությունը խոր վշտով տեղեկացնում է, որ 85 տարեկան հասակում մահացել է ՀՀ արվեստի վաստակավոր գործիչ, կոմպոզիտոր Յուրի Գևորգյանը:

Կոմպոզիտոր, ջութակահար Յուրի Գևորգյանը ծնվել է 1931 թվականի հուլիսի 15-ին, Թբիլիսիում: 1953 թվականին ավարտել է Թբիլիսիի կոնսերվատորիան՝ ջութակահարի մասնագիտությամբ, այնուհետև, ուսումը շարունակել է Երևանի Կոմիտասի անվան պետական կոնսերվատորիայի՝ կոմպոզիցիայի բաժնում, Էդվարդ Միրզոյանի դասարանում:

Հեղինակ է մի շարք երաժշտաբեմական, սիմֆոնիկ, կամերային-գործիքային, վոկալ երկերի, որոնց թվում են՝ «Խարույկ», «Վերք Հայաստանի», «Տառո» օպերաները, «Սիմֆոնիան», «Սիմֆոնիետան», մանկական և պատանեկան պիեսների ժողովածուները՝ դաշնամուրի և ջութակի համար, մանկական և էստրադային երգերը, Վ. Տերյանի խոսքերով գրված երկու ռոմանս՝ սոպրանոյի և դաշնամուրի համար և այլ ստեղծագործություններ:

Յուրի Գևորգյանը երկար տարիներ (1960-2002 թթ.) դասավանդել է Խ. Աբովյանի անվան հայկական պետական մանկավարժական համալսարանում: ՀՊՄՀ պրոֆեսոր է:

ՀՀ մշակույթի նախարարությունը խորապես սգում է անվանի կոմպոզիտորի և մանկավարժի կորուստը, ցավակցում հանգուցյալի հարազատներին և մտերիմներին:

Մշակույթի նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031