«Վերջին տարիներին ՊՆ-ից մոտ մի քանի տասնյակ նման աստիճանի բարձրաստիճան պաշտոնյա է ազատվել, բայց ոմանց ազատումները տվյալ պահին դարձել են մամուլի համար կարեւոր լուր, ոմանց ազատումներն անտեսվել են: Այդ կարճ ժամանակահատվածում այդքան մեծ թվի ազատումները ինչի մասին են խոսում, ընդ որում, մի մասը քրեական պատասխանատվության է ենթարկվել:
Բանակ կոչվածն ինքնամաքրվում է, պահանջները խստացվում են՝ բանակի շարքերում եղած մարդկանց ստիպելով համակերպվել պահանջների հետ: Մինչեւ այս պաշտոնյան ամիս ու կես առաջ էլ մեկ այլ պաշտոնյա ձերբակալվեց, սա մշտական գործընթաց է, ովքեր թերանում են, պետք է պատասխանատվության ենթարկվեն»,- ասաց պաշտպանության նախարարի մամուլի խոսնակ Արծրուն Հովհաննիսյանը՝ անդրադառնալով ՀՀ ԶՈւ սպառազինության վարչության ավտոծառայության պետ, գնդապետ Դավիթ Աբրահամյանի ձերբակալությանը:
Ըստ նրա, ռազմական հիերարխիա գոյություն ունի, ու ինքը իրավասու չէ մեկնաբանել գերագույն գլխավոր հրամանատարի որոշումները՝ ինչու, ինչի համար են ազատվում բարձրաստիճան պաշտոնյաները. «Ամեն ինչ չէ, որ իրավասու մարդիկ կարող են ձեզ ներկայացնել: Այն, որ պատերազմների, ֆորս-մաժորների ժամանակ կատարվում են կտրուկ որոշումներ, պաշտոնի փոփոխություններ, նոր մարդկանց նշանակումներ, բնական է:
Պարտադիր չէ, որ ամեն մի նման դեպք, անպայման, հանրությանն ընկալելի մակարդակում ներկայացվի: Շատ հարցեր կան, միգուցե ժամանակի հետ իմանաք, կամ չիմանաք: Բանակն այս օրերին չի կարող ամեն ինչ ձեզ ներկայացնել»:
Կարդացեք նաև
Արփինե ՍԻՄՈՆՅԱՆ
Արդյո՞ք ավտոծառայության պետի պաշտոնանկությունը կապ չունի Իջևանում զինվորի սպանության հետ, որը թույլ չէր տվել սպաներին բենզին գողանալ: