Լրահոս
Օրվա լրահոսը

Արտեմ Ասատրյանը հեծանիվով էլ կերթեւեկի (Տեսանյութ)

Մայիս 19,2016 16:55

Թե պետական աշխատակիցներին կրճատելու դեպքում սոցիալական ինչպիսի՞ լարվածություն կառաջանա, գործազրկությունը քանի՞ տոկոսով կավելանա մեր երկրում, աշխատանքի եւ սոցիալական հարցերի նախարար Արտեմ Ասատրյանը չի կարող հստակ ասել:

Այսօր պատասխանելով լրագրողների այս հարցադրումներին, պարոն Ասատրյանն ասաց, որ խնդրի բոլոր կողմերը հաշվի առնելով՝ որոշումներն այնպիսին կլինեն, որոնք լարվածություն չեն առաջացնի:

Արտեմ Ասատրյանի կարծիքով՝ պետք է նաեւ աշխատանքների արտադրողականությունը բարձրացնել, իսկ դա նշանակում է, որ համալիր լուծումների դեպքում բոլոր խնդիրները կլուծվեն, եւ որեւէ հարց չի առաջանա:

Հիշեցնենք, որ ապրիլի քառօրյա պատերազմից հետո կառավարությունը որոշել է պետական ծախսերը կրճատել:

Մանրամասները` տեսանյութում

Այն հարցին էլ, թե սոցապ ոլորտից քանի՞ աշխատակից կկրճատվի եւ քանի ավտոմեքենա, պարոն նախարարն ասաց, որ 41 մեքենա կկրճատեն, իսկ աշխատատեղերը դեռ պարզ չէ:

Լրագրողները վկայակոչելով զարգացած երկրների պրակտիկան, որտեղ շատ բարձրաստիճան պաշտոնյաներ երթեւեկում են հեծանիվով, Արտեմ Ասատրյանից հետաքրքրվեցին, թե նա կերթեւեկի՞ հեծանիվով, պարոն Ասատրյանն ասաց, որ կարծես թե ամեն ինչ տանում է դրան:

 

Լուսինե ԲՈՒԴԱՂՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031