Հանրահայտ The Economist պարբերականը անդրադարձ է կատարել Լեռնային Ղարաբաղի հակամարտությանը, որտեղ խոսք է գնում ինչպես հակամարտության պատմության, այնպես էլ 2016թ. ապրիլի սկզբին տեղի ունեցած դեպքերի մասին։
Արցախին առնչվող անդրադարձում նշվում է, որ Ղարաբաղյան պատերազմի հետևանքով հակամարտող կողմերը կրել են մոտ 20.000 զոհ, իսկ ապրիլին իրավիճակը կրկին լարվեց, որի հետևանքով զոհ գնաց շուրջ 200 մարդ։ The Economist-ի անդրադարձում նշվում է, որ ապրիլյան դեպքերը հակամարտության վրա ունեցել են ավելի շատ հոգեբանական նշանակություն, որովհետև ադրբեջանական կողմին հաջողվել է, թեկուզ ոչ նշանակալի, բայց ինչ-որ տարածքներ գրավել։
Կատարված անդրադարձում նշվում է, որ Բաքուն ողողվել է ադրբեջանական պետական դրոշներով և մարդիկ տոնում են առաջին «հաղթանակը», որն առաջինն է շուրջ 20 տարի առաջ կրած խայտառակ պարտությունից հետո։
Հոդվածում տեղ են գտել նաև Բաքվի Ադա համալսարանի ռեկտորի տեղակալ Ֆարիզ Իսմայիլզադեի խոսքերը. «Հոգեբանական տեսանկյունից դա (նկատի ունի ապրիլյան դեպքերը,-խմբ) նման էր Ստալինգրադի հաղթանակին։ Դա ապացուցեց, որ մենք կարող ենք հաղթանակներ տանել»։
Կարդացեք նաև
Հոդվածի հետագա հատվածներում խոսվում է Ռուսաստանի Դաշնության և հակամարտության վրա նրա ազդեցության մասին, նշվում է, որ այդ երկիրը զենք է տրամադրում հակամարտող կողմերին։
Հոդվածագրի կարծիքով՝ և´ Հայաստանը, և´ Ադրբեջանն արդեն հոգնել են Ռուսաստանից և նրա վարած քաղաքականությունից, իսկ Ղարաբաղյան հակամարտության հանդեպ հետաքրքրություններ ունեն նաև Թուրքիան և Իրանը։
եթե ճիշտ եմ հիշում ստալինգրադի հաղթանակը, դիմադրության կռիվ էր ֆաշիզմի դեմ այսինքն ֆաշիստական ադրբեջանը այստեղ հարձակվողն է եվ դիմադրողը Արցախի հերոս ժողովուրդն է այո նախկին իսմայիլով