Լրահոս
Օրվա լրահոսը

«Ադրբեջանը ռազմական գործողությունների կդիմի, եթե Մերձավոր Արեւելքում տեղի ունենան լուրջ փոփոխություններ». Գեւորգ Մելքոնյան (Տեսանյութ)

Մայիս 23,2016 14:10

«Հունիսին Ադրբեջանի կողմից ԼՂՀ-ի դեմ պատերազմական գործողությունների վերսկսումը կապել Ադրբեջանում անցկացվելիք «Ֆորմուլայի» մրցաշարի հետ, շտապողական կարծիք է»,- համոզված է պատմաբան Գեւորգ Մելքոնյանը:

Մայիսի 23-ին «Պոստ Սկրիպտում» մամուլի ակումբում նա ասաց, որ Ադրբեջանը ռազմական գործողությունների կդիմի այն ժամանակ, երբ Մերձավոր Արեւելքում տեղի կունենան լուրջ փոփոխություններ. «Արցախյան խնդրի սրացումը պայմանավորված է Սիրիայի գործոնով: Ադրբեջանը սպասում է, թե ինչպես կզարգանան իրադարձությունները Մերձավոր Արեւելքում եւ որ պետության դերակատարությունը կհաստատվի այդտեղ: Եթե Սիրիան գնում է մասնատման, հարց է առաջանում, թե ինչ է ստանում Թուրքիան դրանից: Եթե Սիրիայի բաժանումը տեղի ունենա Թուրքիայի գծած պլանով, Թուրքիայի դերը կմեծանա, եւ Ադրբեջանին հնարավորություն կընձեռվի Արցախի խնդիրը ռազմական ճանապարհով լուծել»:

Պատմաբանի բնորոշմամբ, քանի դեռ Սիրիայի հարցում Ռուսաստանը եւ ԱՄՆ-ն չեն եկել համաձայնության, իրավիճակը մնալու է փոփոխական:

Մելքոնյանն անդրադարձավ նաեւ Թուրքիայի արդեն նախկին վարչապետ Ահմեդ Դավութօղլուի պաշտոնանկությանը. «Թուրքիան Օսմանյան կայսրության ժառանգորդն է, երբ վեզիրները, տվյալ դեպքում` վարչապետները, փոխվում են, Թուրքիայի քաղաքականությունը չի փոխվում: Սպասել, որ Դավութօղլուի փոփոխությունից հետո արտաքին քաղաքականության մեջ փոփոխություններ կլինեն, այդպես չէ: Թուրքիան գնում է խնդիրները կոշտ քայլերով լուծելուն»:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031