Մայիսի 24-ին «Անդրադարձ» մամուլի ակումբում Aravot.am-ը ԱԺ պատգամավոր, «Հանրապետական» խմբակցության անդամ, «Սահմանադրական իրավունք» միություն (ՍԻՄ) կուսակցության նախագահ Հայկ Բաբուխանյանին խնդրեց մեկնաբանել, թե ինչու էր նա 1992թ. պատերազմական իրավիճակում պահանջում նախագահ Լեւոն Տեր-Պետրոսյանի հրաժարականը:
«1992թ. 6 կուսակցությունների կողմից ստեղծվել էր Ազգային դաշինք, եւ ՍԻՄ կուսակցությունն այդ դաշինքի շրջանակներում, այո, պահանջեց Լեւոն Տեր-Պետրոսյանի հրաժարականը: Հիմնավորումները հստակ էին. կար հայտարարություն, որ մեր պետական պաշտոնյաները ստորագրել էին մի քանի փաստաթղթեր, որոնցում Արցախը ներառված էր Ադրբեջանի կազմում:
Բացի այդ, սոցիալական հարցերում լարված խնդիրներ կային եւ այլն: Ակնհայտ էր, որ պատերազմը թափ էր առնում, իսկ մեր իշխանությունը պատրաստ չէր իրականացնել մոբիլիզացիա:
Բարեբախտաբար, բողոքը բերեց նրան, որ Գերագույն խորհուրդն ընդունեց որոշում, որով ՀՀ ցանկացած պաշտոնյայի արգելվում է ստորագրություն դնել որեւէ փաստաթղթի տակ, որում Արցախը կնշվի որպես Ադրբեջանի մաս…
Կարդացեք նաև
Լեւոն Տեր-Պետրոսյանի հետ մենք մինչ օրս ունենք շատ խորը գաղափարական հակասություններ, որոնք միշտ էլ արտահայտվում են»,-ասաց Հայկ Բաբուխանյանը:
Ինչ վերաբերում է պատերազմական իրավիճակում նախագահի հրաժարականը պահանջելուն, Հայկ Բաբուխանյանն այսպես արձագանքեց. «Նայած որն է հրաժարականի հիմնավորումը…»:
Այլ մանրամասները` տեսանյութում:
Լուիզա ՍՈՒՔԻԱՍՅԱՆ
1989 ու 1990 թվերին էլ Գերագույն Խորհրդի մակարդակով որոշումներ կան ընդունված, որ Ղարաբաղը Հայաստանի մաս է կազմում: Բա դրա մասին ինչո՞ւ չեք խոսում ու տեր չեք կանգնում այդ որոշումներին: Ձեռ չի տալի՞ս: