Լրահոս
Օրվա լրահոսը

Ադրբեջանցի լրագրող Հադիջե Իսմայիլովան ազատ է արձակվել. azadliq.org

Մայիս 25,2016 22:06

Ադրբեջանում ընդդիմադիր լրագրողի համբավ ունեցող Հադիջե Իսմայիլովայի հանդեպ կիրառված ազատազրկման վճիռը փոխվել է, որից հետո նա ազատ է արձակվել։ Այս մասին տեղեկացնում է «Ազատություն» ռադիոկայանի ադրբեջանական ծառայությունը։

Հայտնի լրագրողի ազատազրկման մասին որոշումը փոխելու վճիռը կայացրել է Ադրբեջանի Բարձրագույն դատարանը, որը վերանայել է Իսմայիլովայի ներկայացրած դիմումն ու որոշել է ձերբակալված լրագրողի հանդեպ սահմանել 3 տարի 6 ամիս պայմանական ազատազրկում։

Դատարանի վճռում նշվում է, որ Իսմայիլովան պետք է փորձաշրջան անցնի, որի ընթացքում պարտավոր է ամեն ամիս ներկայանալ ոստիկանություն։ Սրանից բացի, Իսմայիլովան իրավունք չունի մեկնել արտասահման և փոխել բնակության վայրը՝ առանց պետական համապատասխան մարմինների թույլտվության։

Հիշեցնենք, որ Իսմայիլովան ձերբակալվել էր 2014թ. դեկտեմբերի 5-ին և դատապարտվել 7 տարի 6 ամիս ազատազրկման։ Ազատազրկման վայրում Իսմայիլովան անց է կացրել 1 տարի և 171 օր։ Նրան ազատ արձակելու որոշումը ողջունել են Ադրբեջանի քաղաքացիական հասարակության ներկայացուցիչները, բազմաթիվ իրավապաշտպաններ և լրագրողներ։

՝

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031