Լրահոս
Օրվա լրահոսը

Բոլոր դպրոցներում «Վերջին զանգի» տոնակատարությունները կսկսեն մեկ րոպե լռությամբ

Մայիս 26,2016 13:23

«Հայելի» ակումբում լրագրողների հետ հանդիպմանը վաղը տեղի ունենալիք «Վերջին զանգի» և «Վերջին դասի» տոնակատարություններին ընդառաջ ՀՀ ԿԳՆ հանրակրթության վարչության պետ Նարինե Հովհաննիսյանը տեղեկացրեց, որ բոլոր դպրոցներում «Վերջին զանգի» տոնակատարությունները կսկսեն մեկ րոպե լռությամբ` որպես երախտիքի խոսք ու լուսավոր հավերժություն մեր հերոսներին:

Նարինե Հովհաննիսյանի հավաստմամբ` այս տարի դրամահավաքության ահազանգերը նվազել են. գրանցվել է 15-ը: Սակայն տիկին Հովհաննիսյանը, հղում կատարելով դպրոցների տնօրեններին, ըստ էության դրամահավաքության մեղքը բարդեց ծնողների վրա. «Հիմնականում բոլոր ահազանգերն անանուն են, որտեղ դժվար է եղել հասկանալ իրականությանը համապատասխանո՞ւմ են, թե՞ ոչ: Բայց ուսումնասիրությունների արդյունքում, երբ հրավիրվել են տնօրենները, նրանց հետ զրույցից պարզ է դարձել, որ Վերջին զանգը ծնողների կազմակերպածն է, և խնդիրները տնօրինում են ծնողները»:

Տիկին Հովհաննիսյանը ընդունեց, որ տնօրենները չեն ժխտում, թե դրամահավաքություն կա, բայց նաև նշեց, որ վստահեցնում են, թե դա արվում է ծնողների նախաձեռնությամբ. «Երեխաները գնում են խնջույքի, որին մասնակցում են մայրը, հայրը, դրանից էլ գումարի չափը մեծանում է»:

Նարինե Հովհաննիսյանը նաև շեշտեց, թե կա ՀՀ ԿԳ նախարարի շրջաբերական, որտեղ նա հորդորում է զերծ մնալ դրամահավաքությունից:

Տեղեկացնենք, որ այս տարի դպրոցներն ունեն նաև 30 հազար իններորդ դասարանի շրջանավարտ, որոնք ազատ են իրենց ուսումը շարունակել ավագ դպրոցներում, ուսումնարաններում կամ քոլեջներում:

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031