Լրահոս
Օրվա լրահոսը

Ստյոպա Սաֆարյան. Ո՞րն է Հերմինե Նաղդալյանի՝ Վրաստան այցելության օգուտը (Տեսանյութ)

Մայիս 27,2016 17:59

Միջազգային եւ անվտանգության հարցերի հայկական ինստիտուտի հիմնադիր, քաղաքական վերլուծաբան Ստեփան Սաֆարյանը  մայիսի 27-ին «Հայացք» մամուլի ակումբում լրագրողների հետ հանդիպման ընթացքում անդրադարձավ Հայաստանի վարած արտաքին քաղաքականությանը:

Նա նշեց, որ արտաքին քաղաքականությունը մեկ անձի թատրոն չէ. որքան էլ այդ անձը լինի լավ տեսաբան, անարդյունավետ է, երբ համակարգը չի աշխատում: Նա հետաքրքրվեց մյուս բանախոս՝ ԱԺ Հանրապետական խմբակցության պատգամավոր Կարինե Աճեմյանից. «Ասենք՝ Հերմինե Նաղդալյանը Վրաստան է գնացել, Տաջիկստան է գնացել, խնդրում եմ՝ ասեք՝ Հերմինե Նաղդալյանի ամբողջ պահվածքը  ԵԽԽՎ-ում երբեք վրացամետ չի եղել: Եթե խնդիր է եղել ռուս-վրացական կողմնորոշման, Հերմինե Նաղդալյանը հստակ ռուսական կողմնորոշում է ունեցել: Հիմա Հերմինե Նաղդալյանի, Վարդան Այվազյանին ուղարկում են Վրաստան կբացատրե՞ք այդ այցելության օգուտը: Մի մարդ, որը հաստատապես ողջունելի չի լինի վրաց մեր կոլեգաների համար իր կողմնորոշումների պատճառով»:

Կարինե Աճեմյանը պատասխանեց, որ բոլոր այցելություններից հետո հաշվետվություններ են ներկայացվում, եւ խորհուրդ տվեց այդ հարցով դիմել Հերմինե Նաղդալյանին. «Եկե՛ք առանձին դրվագներով չխոսենք: Ընդհանուր առմամբ, Ազգային Ժողովի պատվիրակություններում կան նաեւ այնպիսի պատգամավորներ, որոնք շատ ակտիվ աշխատում են: Հնարավոր է այդ աշխատանքն այդքան պարզ չի երեւում: Արդյունքները նրանք էին, որ ԵԽԽՎ-ում Ուոլթերի զեկույցը չանցավ, իհարկե՛, Դուք հիմա կասեք, որ պիտի Սարսանգն էլ չանցներ, ես համաձայն եմ, մենք պետք է ավելի հետեւողական լինենք»:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031