«Առավոտը» Իսպանիայի Թագավորությունում Հայաստանի արտակարգ եւ լիազոր դեսպան Ավետ Ադոնցից հետաքրքրվեց՝ ինչպե՞ս է դիտարկում, այսպես կոչված, «քառօրյա պատերազմը» տարածաշրջանային անվտանգության համատեքստում եւ ի՞նչ զարգացումներ է կանխատեսում:
«Ապրիլյան դեպքերը փաստեցին Ադրբեջանի կատարյալ ձախողումը ԼՂ հիմնահարցի կարգավորման դիվանագիտական ուղղությամբ: Փաստացի դա նրանց խոստովանությունն էր, որ բանակցային սեղանի շուրջ նրանք պարտվել են, եւ բանակցությունների միջոցով իրենց «ամեն ինչ կամ ոչինչ» սկզբունքն անիրագործելի է: Ձախողվեցին նաեւ խնդիրը ռազմական ճանապարհով լուծելու ալիեւյան խոստումները: Իսկ հետագա զարգացումների իմ կանխատեսումը մեկն է, այն գուցե հնչի «ո՛չ դիվանագիտորեն», բայց մեր հաղթանակին այլընտրանք չկա: Եթե մեր հարեւանը չի հասկանում խաղաղության արժեքն ու կարեւորությունը, ապա մենք դա նրան կպարտադրենք՝ լինի դիվանագիտական ճանապարհով, թե ռազմական»,- ասաց դեսպանը:
Կարդացեք նաեւ
ԳՈՀԱՐ ՀԱԿՈԲՅԱՆ
«Առավոտ» օրաթերթ
27.05.2016
