Լրահոս
Օրվա լրահոսը

ԵԱՀԿ-ի Հարավային Կովկասի հատուկ ներկայացուցիչն անդրադարձել է Արցախի հակամարտությանը

Մայիս 28,2016 12:59

ԵԱՀԿ խորհրդարանական ասամբլեայի Հարավային Կովկասի գծով հատուկ ներկայացուցիչ բուլղարացի Քրիստիան Վիգենինը 2016թ. մայիսի 28-ին ամփոփել է Ադրբեջանի մայրաքաղաք կատարած իր երկօրյա այցը։

Բաքու կատարած այցի ընթացքում Վիգենինը հանդիպել է Ադրբեջանի նախագահ Իլհամ Ալիևին, Ադրբեջանի խորհդարանի խոսնակ Օգթայ Ասադովին, այդ երկրի արտաքին գործերի նախարար Էլմար Մամեդյարովին և ադրբեջանցի մի շարք խորհրդարանականների։

Վիգենինն իր ամփոփման մեջ անդրադարձել է նաև Լեռնային Ղարաբաղի հակամարտության կարգավորմանը. «Ժամանակն է փոխել ստատուս-քվոյի կարգավիճակը, որը շարունակում է մարդկային անընդունելի հետևանքներ ունենալ»։ Հատուկ ներկայացուցիչն ասել է նաև, որ ինքը շարունակելու է աշխատել տարածաշրջանի խորհրդարանականների հետ։ Նրա խոսքերով՝ հակամարտությունը չի կարող ունենալ ռազմական լուծում։ Վիգենինը կոչ է արել կողմերին խուսափել ռազմական հռետորաբանությունից և ջանքեր գործադրել՝ հակամարտության խաղաղ կարգավորմանը հասնելու համար։

Իր ամփոփման վերջում Քրիստիան Վիգենինը շնորհավորել է նաև Ադրբեջանի անկախության օրվա կապակցությամբ։

Հիշեցնենք, որ ԵԱՀԿ խորհրդարանական ասամբլեայի Հարավային Կովկասի գծով հատուկ ներկայացուցիչ բուլղարացի Քրիստիան Վիգենինը Ադրբեջան կատարած այցից առաջ եղել էր նաև Հայաստանում։

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031