Ինչպես հայտնի է, արտաքին գործերի նախարար Էդուարդ Նալբանդյանը Ազգային ժողովում անդրադարձել էր Հայաստանում Եվրամիության պատվիրակության ղեկավար Պյոտր Սվիտալսկիին:
«Արդեն երեք փուլ է կայացել, որոնք, իհարկե, ընթանում են իրենց հունով: Կարող են լինել հարցեր, ինչպես երեկ Սվիտալսկին ասաց, որ կան ինչ-որ բարդություններ: Ես այդպես չէի ասի։ Գիտեք, բանակցությունների ժամանակ լինում են խնդիրներ, որոնք, իհարկե, բանակցող կողմերը պետք է փորձեն լուծել: Բայց ընդունված չէ, որ բանակցությունների ընթացում բանակցողներից մեկը նման բաներ հայտարարի: Եթե Սվիտալսկին կարծում է, որ դա ինչ-որ ճնշման ձեւ է, ապա դա սխալ ձեւ է»,- ասել է Նալբանդյանը:
Մայիսի 30-ին լրագրողները Պյոտր Սվիտալսկիին խնդրեցին անդրադառնալ այդ հայտարարությանը, նա պարզապես պատասխանեց. «Ես լավ եմ դաստիարակված, չեմ մեկնաբանի»:
Լրագրողները հետաքրքրվեցին նաեւ ՀՀ-ում Եվրոպական միության պատվիրակության գրասենյակի կողմից հատկացված դրամաշնորհից առանձնապես խոշոր չափերի գումարներ հափշտակելու գործից: Սվիտալսկին պատասխանեց. «Դա մեր ձեռքերում չէ: Մենք ներկայացուցիչ ունենք, որը ներկայացնում է Եվրամիության շահերը եւ կապ է պահպանում ձեր իրավապահ մարմինների հետ: Այդ բոլոր գործերը մենք ենք բացահայտել, մենք ենք գտել եւ տեղեկություն տրամադրել: Այժմ ամեն ինչ ձեր իրավապահների ձեռքերում է»:
Կարդացեք նաև
Ամի ՉԻՉԱԿՅԱՆ
