Հանրապետությունում վերջին մեկ ամսվա ընթացքում գերակշռող անձրեւային եղանակը հասցրել է ձանձրացնել։ Թե երբ այն իր տեղը կզիջի ամբողջությամբ արեւոտ եղանակին՝ դեռ նույնիսկ օդերեւութաբանները չեն կանխատեսում։ Մի բան է միայն հստակ՝ հունիսի 2-ից ջերմաստիճանն ամառային կդառնա՝ հասնելով +30-ի։
Հարցերին պատասխանել է ՍԻՆ «Հիդրոմետ» ծառայության օդերեւութաբանության կենտրոնի պետի տեղակալ Գագիկ Սուրենյանը.
– Պարոն Սուրենյան, անձրեւները ե՞րբ են դադարելու։
– Առաջիկա 5 օրերին հիմնականում ցիկլոնի ազդեցությունը մեր երկրի տարածքում պահպանվելու է։ Այն կշարունակի ակտիվանալ երեկոյան ժամերին։ Այսինքն երեկոյան ժամերին եւ գիշերվա առաջին կեսին մարզերի մեծ մասում սպասվում են ամպրոպային բնույթի երակային անձրեւներ, առանձին հատվածներում շարունակում է մեծ մնալ կարկուտի հավանականությունը։ Բայց այդ անձրեւները զուտ լոկալ, երակային բնույթ են կրելու։
Կարդացեք նաև
– Ջերմաստիճանն այսօր իջել է երեկվա համեմատ։ Նվազումը կշարունակվի՞։
– Մինչեւ հունիսի 1-ը առանձնապես ջերմաստիճանի փոփոխություններ չեն լինի։ Ցերեկային ջերմաստիճանները կտատանվեն 25-27 աստիճանի սահմաններում։ Իսկ հունիսի 2-4-ն ընկած ժամանակահատվածում ջերմաստիճանն աստիճանաբար կբարձրանա մոտ 3-4 աստիճանով եւ Երեւանում կմոտենա +30 աստիճանին։
Սյուզաննա ՊՈՂՈՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
