Հայաստանի նկարիչների միության նախագահ, պրոֆեսոր Կարեն Աղամյանը արդեն մեկ հնգամյակ «կարգի է բերում» ՀՀ զինանշանը։ Օրեր առաջ նրա տքնանքի արգասիքը հանձնվեց ՀՀ մշակույթի նախարարությանը։
– Տարիներ շարունակ Դուք զբաղվում եք ՀՀ պետական զինանշանի ոչ այնքան շտկմամբ, որքան վերաիմաստավորմամբ։ Ի՞նչ փուլում են այսօր աշխատանքները։
– Ըստ էության, 2012-ից եմ սկսել զբաղվել ՀՀ զինանշանի, ինչպես ասացիք, վերաիմաստավորմամբ։ 2012-ին արդեն փաթեթը պատրաստ էր վերլուծական և էսքիզային առաջարկներով։ Սակայն երբ եկավ պահը, երբ բոլորն ընկալեցին, որ իրոք կա զինանշանում փոփոխություններ կատարելու անհրաժեշտություն, ես սկսեցի էսքիզները վերջնական տեսքի բերել և հասկացա, որ կատարածս աշխատանքը դեռ բավականին հում է։ 2016-ի հունվարի առաջին օրերից վերսկսեցի աշխատանքը։
– Այսօր, մեր զրույցի պահին, աշխատանքներն ի՞նչ փուլում են։
Կարդացեք նաև
– Կարծես հասել եմ ավարտին, իմ կարծիքով գտել եմ կատարյալին մոտ տարբերակը։
– Պարոն Աղամյան, ի՞նչ հանգամանքների բերումով սկսեցիք զինանշանի ուսումնասիրությունը։
– Նախ, զինանշանն ուսումնասիրել եմ նրա գեղագիտական արժեքի տեսանկյունից, ասենք, աջ հատվածը, կոմպոզիցիոն լուծմամբ, ավելի թեթև է, քան ձախ հատվածը, այսինքն, խախտված էր կոմպոզիցիոն հավասարակշռությունը։ Սկսեցի ավելի շահագրգիռ ուսումնասիրել մեր պետական զինանշանը, զուգահեռ ծանոթանալով հերալդիկայի պահանջներին և նրբություններին, հայտնաբերեցի բազմաթիվ վրիպումներ ու թերացումներ։ Բայց դա չէր սարսափելին (սա ասում եմ առանց որևէ չափազանցության), զինանշանի մեջ անթիվ փոփոխություններ են կատարվել, որոնք միտումնավոր խեղաթյուրել են պետական զինանշանի իմաստն ու տեսքը և, աննկատ մնալով, կիրառվել են տարիներ շարունակ:
Վրեժ ՍԱՐՈՒԽԱՆՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
