Լրահոս
Օրվա լրահոսը

«Նույնասեռականներին ուղարկել Բաքու». Պարուսույցը նույնասեռական սանին հիշեցրել է իր ցուցանակը եւ հանել խմբից

Մայիս 31,2016 14:47

Օրերս մեծ աղմուկ բարձրացավ ԱՄՆ-ից Հայաստան վերադարձած սփյուռքահայ մի երիտասարդի՝ Գայլ Խանդիկյանի ֆեյսբուքյան գրառումից հետո, որտեղ նա հայտարարել էր, որ իրեն «Կարին» ազգագրական համույթի անդամ, պարուսույց Հարութ Բաղդասարյանը հեռացրել է խմբից՝ սեռական կողմնորոշման համար:

Կարին Համույթի գեղարվեստական ղեկավար Գագիկ Գինոսյանը մեզ հետ զրույցում ասել էր, որ պարուսույցը հեռացրել է խմբից՝ զուտ հային վիրավորելու համար, որովհետեւ ասել է, որ որպես նույնասեռական, ամաչում է հայ լինելու համար:

Այս առնչությամբ Aravot.am-ի հետ զրույցում Գայլ Խանդիկյանը որոշ մանրամասներ պատմեց, թե ինչպես է պարուսույցն իրականում հեռացրել իրեն ու ինչպես է վիրավորել: Նա վստահեցրեց. «Այս խնդիրը հոմոֆոբիայի եւ խտրականության մասին է, իմ գրածի մասին չէ, հայի պատվի մասին չէ: Հայտնի է, որ իմ գրածը գործածում են իբրեւ քավության նոխազ՝ արդարացնելու հոմոֆոբիան եւ խտրականությունը, որին ես ենթարկվեցի պարոն Բաղդասարյանի կողմից:

Երբ նա ինձ խնդրեց, որ չմասնակցեմ խմբի պարապմունքներին, ասաց՝ ես ի՞նչ էի մտածում, երբ նման բան էի գրում։ Ես պատասխանեցի՝ ասելով, որ չէի կարծում, որ պետք է բացատրեմ իրեն, որ ԼԳԲՏ մարդիկ ընդունված չեն մեր ազգի մեջ։ Ինքը հարցրեց՝ «ԼԳԲՏ-ն ո՞րն ա», որին ես պատասխանեցի «նույնասեռական մարդիկ»:

Հետո սկսեց ստորացնող եւ խտրական բաներ ասել միասեռական մարդկանց մասին։ Ասաց, որ ինքը միասեռականության դեմ է պայքարում, եւ որ ես իրավունք չունեմ հայկական պար սովորելու, ասաց, որ միասեռականությունը բացարձակապես վատ բան է։

Հիշեցրեց 2012-ի բազմազանության երթը, որ կազմակերպվեց «ՓԻՆՔ Արմենիայի» եւ «Կանանց ռեսուրսային կենտրոնի» կողմից DIY փաբի հարձակումից հետո՝ ասելով, որ ինքը առաջինն էր երթի դեմ կանգնած այդ օրը, եւ որ ինքը եւ իր կողմնակիցները ցուցանակներ էին բռնել, որի վրա գրված էր «Send Gays To Baku» («Նույնասեռականներին ուղարկել Բաքու»)։ Նաեւ ասաց, որ եթե միասեռական մարդ տեսնի փողոցում, վատ բան չի անի, բայց համոզված է, որ նման մարդիկ պետք է քարկոծվեն»:

Պարուսույցը երիտասարդին բացատրել է, թե որն է իսկական ընտանիքը, ինչպես պետք է կազմվի այն. «Ասաց, որ միակ ընտանիքը, որին ինքը հավատում է՝ մայր-հայր-զավակ ընտանիքի տիպարն է, եւ որ այդ տիպարն է զորացնում պետությունը»։

Գայլ Խանդիկյանի լուսանկարը՝ նրա ֆեյսբուքյան էջից

Գայլ Խանդիկյանի լուսանկարը՝ նրա ֆեյսբուքյան էջից

Ինչ վերաբերում է Գագիկ Գինոսյանին, Գայլ Խանդիկյանն ասաց, որ անձնապես նրան չի ճանաչում, չեն ծանոթացել. «Ես անձնական խնդիրներ չունեմ պարոն Գինոսյանի եւ պարոն Բաղդասարյանի հետ, իրենց աշխատանքը, իբրեւ պարուսույցներ, շատ եմ հարգում: Ես շատ էի ուզում հայկական ազգագրական պար սովորել, եւ շատ հաճույքով էի գնում պարոն Բաղդասարյանի դասընթացներին։ Բայց իր արածը սխալ էր, ոչինչ չի կարող արդարացնել իր արածը: Անօրինական պետք է լինի խտրականությունը Հայաստանի մեջ, ինչպես բոլոր ժողովրդավար, ազատ երկիրների մեջ։

Հետաքրքիր է, որ մի քանի օր առաջ շատ տպավորիչ տեսահոլովակ տեսա սոցցանցերում՝ Հայկական պարեր Սուրբ Կիրակոս հայկական եկեղեցու դիմաց, Թուրքիայի Դիարբեքիր քաղաքի մեջ՝ պատմական Տիգրանակերտ։ Երբ այդ տեսահոլովակն եմ դիտում եւ այդ գեղեցիկ երաժշտությունը լսում, հիշում եմ, թե ինչու սկսեցի հայկական պար սովորել։ Պարեցի, որովհետեւ հզոր էի զգում պարելու ժամանակ, եւ զգում էի, որ հայ եմ։ Հետո պարզվեց, որ պարը պարոն Գինոսյանի ստեղծագործություններից մեկն էր։ Ես հավատում եմ, որ ես, պարոն Բաղդասարյանը եւ պարոն Գինոսյանը շատ ավելի նմանություններ ունենք իրար հետ, քան թե տարբերություններ, առաջինը մեր սերն է՝ հայկական պարի հանդեպ»:

Գագիկ Գինոսյանը միջադեպից հետո այսպիսի անուղղակի հարց է տվել՝ «Կներեք, իսկ ո՞վ է հայի պատիվը պահելու, երբ նա վիրավորում է: Նման կազմակերպություն կա՞ Հայաստանում, որը պիտի պահի հայի պատիվը, որ այդ տղան 2 ամիս է՝ եկել է Հայաստան իբր օգուտ տալու, այսօր ամաչում է հայ լինելու համար:

Այս առնչությամբ Գայլ Խանդիկյանը պատասխանեց, որ համաձայն չէ Գինոսյանի հետ. «Ես երբեք չեմ ասել, որ ամաչում եմ հայ լինելու համար: Ես այդ նույն գրառման մեջ գրել եմ, որ սիրում եմ հայ լինել, սիրում եմ բոլոր հայրենակիցներիս, նույնիսկ նրանց, որոնք ինձ ատում են եւ միասեռական մարդկանց դեմ բռնության կոչեր են անում: Ես սիրում եմ հայրենիքս: Ես գրառումս արեցի՝ հոմոֆոբիայի եւ տրանսֆոբիայի խնդիրները բարձրաձայնելու համար, որովհետեւ ԼԳԲՏ հայերը եւ մեր խնդիրները տեսանելի չեն։ Ես այդ բառերը մասնավոր գրեցի, որ մարդիկ արթնանան եւ հասկանան, որ սա շատ լուրջ խնդիր է, որ մարդիկ հասկանան այն զայրույթը, որ ես եմ զգում, երբ ատելության եւ բռնության կոչեր են արտահայտում նրանց դեմ, որոնք տարբեր են իրենցից»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (4)

Պատասխանել

  1. Arman says:

    վստահորեն կարելի է ասել, որ լրագրողը չի հասկանում ինչ է նշանակում ազգային պար կամ երբ ինչի մասին կարելի է նյութ գրել
    բացառիկ անուն Հայաստանում Գագիկ Գինոսյան, ով ամեն տարի բազմաթիվ հայ երիտասարդների վերադարձնում է ազգային պարեր
    ի՞նչ իմաստ ունի մեկ երիտասարդի մտքերով ստվերել տասնյակ տարիների հսկայական աշխատանքը
    Լրագորղին առաջարկում եմ իրենց երեխաներով, ընտանիքի անդամներով հավաքվել մի տեղ Եվրոպական խաշ ուտելու, կանչել այս տղային, սովորեցնել հայկական պարեր, որ մուրազը փորում չմնա
    խնդրում եմ միաժամանակ հիշել, որ Գինոսյանի, նրա սաների ստեղծած հայ մարդիկ են տասնյակ տարիներ հետո լրագրողների նուրբ մաշկը ազատելու օլիգարխիկ ճնշումներից

  2. Չ'ԼԳՏԲ says:

    Մարդը սկի չի էլ իմացել “ԼԳԲՏ-ն” ո՞րն է, պարի ես գնում պարել սովորի, ինչ ես քո կյանքի անկողնային մասը մարդկանց պարտադրում ու իրենց կարերիայի ու կյանքի հետ խնդիրներ ստեղծում… ինչ բռնության մասին է խոսքը, նա էլ մարդ է, ունի կարծիք և այն ազատ արտահայտելու իրավունք, նույնքան որքան դուք լգբտ-ներդ, ու ձեզանից էլ առավել… մարդը ռեալ գործ է անում, դու դատարկ բարբաջում ես…

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031