Լրահոս
Օրվա լրահոսը

Սեդրակ Զատիկյանի սպանությունը պատվիրելու մեջ մեղադրվողը պնդում է՝ լավ հարաբերություններ ունի սպանվածի եղբոր հետ

Մայիս 31,2016 22:44

Մալաթիա-Սեբաստիա վարչական շրջանի նախկին ղեկավար Վահան Զատիկյանի որդու՝ Սեդրակ Զատիկյանի սպանությունը պատվիրելու գործով մեղադրյալ Նարեկ Խաչատրյանն այսօր դատարանում պատմեց, որ Սեդրակ Զատիկյանի հետ որևէ թշնամություն, կոնֆլիկտ չի ունեցել:

Նա վստահեցրեց, որ գործի հետ որեւէ առնչություն չունի:

Ըստ նրա, Սեդրակ Զատիկյանի եղբոր մտերիմ հարաբերություններ է ունեցել նույնիսկ Սեդրակի սպանությունից հետո: Ավելին՝ ասաց՝ նույնիսկ ընկերներ են եղել:

Նարեկ Խաչատրյանը հերքեց նաեւ, թե սպանության դիմաց վարձատրության գումարի մի մասն է փաթեթով փոխանցվել սպանությունը կատարած անձին, այլ մեքենայի գումարն էր: Նա նաեւ վստահեցրեց, որ սպանություն կատարելու համար ցմահ ազատազրկման դատապարտված Արսեն Առուշանյանին առաջին անգամ դատարանում է տեսել:

Ըստ նրա, սպանության օրը ինքը գտնվել է փեսայի տանը, ոչ թե Ստեփան Հակոբյանի՝ Արամուսում գտնվող ամառանոցում:

Հիշեցնենք, որ Նարեկ Խաչատրյանը Ստեփան Հակոբյանի հետ նախնական համաձայնությամբ, նախկինում ունեցած վեճի պատճառով վրեժխնդիր լինելու նպատակով, Արսեն Առուշանյանին նյութապես շահագրգռելով դրդել ու պատվիրել են սպանել Սեդրակ Զատիկյանին:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2016
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031