Լրահոս
Օրվա լրահոսը

Դատապարտյալներին խոհարարություն կամ որեւէ արհեստ են սովորեցնելու եւ աշխատանք են տալու

Հունիս 03,2016 14:07

Արդարադատության փոխնախարար Սուրեն Քրմոյանը այսօր ԱԺ պետաիրավական հարցերի հանձնաժողովում նախագիծ ներկայացրեց, որով առաջարկվում է Զբաղվածության մասին օրենքում եւ Քրեակատարողական օրենսգրքում փոփոխություններ եւ լրացումներ անել:

Սուրեն Քրմոյանն ասաց, որ այս նախագծով ուզում են մեխանիզմներ ստեղծել, որ դատապարտյալը պատժի կրման ընթացքում ուղղվի եւ բացառվի կրկնահանցագործությունը. «Կրկնահանցագործության պատճառ կարող է լինել այն, որ դատապարտյալը, չունենալով կրթություն, մասնագիտություն եւ այլն կամ չունենալով աշխատատեղ՝ պատժի կրումից ազատվելով՝ նորից դիմի հանցագործության, քանի որ չունի աշխատանք, եկամուտ: Ուղղիչ հիմնարկի վարչակազմը պետք է միջոցներ ձեռնարկի՝ դատապարտյալի հեռակա եւ բարձրագույն հետբուհական մասնագիտական կրթությունն ապահովելու ուղղությամբ եւ նախագծով ասվում է, որ պետք է միջոցներ ձեռնարկի նաեւ նրա մասնագիտական ուսուցումը կազմակերպելու հարցում: Քրեակատարողականի ղեկավարը, եթե անձի պատիժը կրելուն մնացել է 6 ամիս, պետք է համայնքի զբաղվածության եւ պետական ծառայությանը հայտնի, որը միջոցներ կձեռնարկի դատապարտյալին աշխատանքով ապահովելու: Եթե մասնագիտական ուսուցման կարիք կա, դատապարտյալը կարող է հենց քրեակատարողական հիմնարկում կամ եթե բաց տիպի դատապարտյալ է, անցնի համապատասխան կրթություն, որակավորում ստանա՝ խոհարար դառնա, որոշակի արհեստ, հմտություններ ձեռք բերի»:

Էդմոն Մարուքյաննը ողջունեց նախաձեռնությունը, բայց առաջարկեց, որ քրեակատարողական հիմնարկի վրա պարտավորւթյուն դնեն, որ հենց դատապարտյալին 6 ամիս մնա ազատվելու, նրան ծանուցեն, որ դու նման իրավունք ունես. «Ինքը կուզի՝ կդիմի, չի ուզի՝ չի դիմի, բայց պետք է իմանա, որ նման հնարավորություն կա: Մենք կարող ենք սա ընդունել ու մնա, ոչ մեկը չօգտվի»:

Սուրեն Քրմոյանը պատասխանեց, որ առաջարկն ընդունելի է: Նախագիծը դրական եզրակացություն ստացավ:

Հռիփսիմե ՋԵԲԵՋՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930