Լրահոս
Օրվա լրահոսը

Հայտնի են Գրաբարի երկրորդ օլիմպիադայի հաղթողները

Հունիս 04,2016 17:16

Երևանի քաղաքապետ Տարոն Մարգարյանը ներկա է գտնվել Արարատյան Հայրապետական թեմի առաջնորդարանում տեղի ունեցած գրաբարի երկրորդ օլիմպիադայի մրցանակաբաշխությանը: Արարատյան Հայրապետական թեմի «Գրաբարյան օրեր» ծրագրի շրջանակում 2014թ.-ից իրականացվող Գրաբարի օլիմպիադան կազմակերպվում է Երևանի քաղաքապետարանի, ՀՀ Կրթության և գիտության նախարարության, ինչպես նաև «Փյունիկ» բարեգործական հիմնադրամի աջակցությամբ: Ծրագրի նպատակն է խթանել գրաբարի նկատմամբ հետաքրքրությունը, խրախուսել ուսուցումը: Երկու տարվա ընթացքում ծրագիրը բավականին ձեռքբերումներ է գրանցել և դրական արձագանքների է արժանացել թե դպրոցներում, թե պատանիների շրջանում:

Օլիմպիադային այս տարի մասնակցել է Երևանի ավագ ու հիմնական 26 դպրոցների 70 աշակերտ: Արարատյան Հայրապետական թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանը և «Փյունիկ» բարեգործական հիմնադրամի նախագահ Լևոն Սարգսյանը արժեքավոր մրցանակներ են հանձնել հաղթող պատանիներին և նրանց ուսուցիչներին:

«Գրաբարյան օրեր 2016» ծրագրին աջակցելու համար Երևանի քաղաքապետարանը, ՀՀ կրթության և գիտության նախարարությունն ու «Փյունիկ» բարեգործական հիմնադրամն արժանացել են շնորհակալագրերի:

Երևանի քաղաքապետարանի տեղեկատվության և հասարակայնության հետ կապերի վարչություն

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930