Միջպետական ավտոճանապարհը կարծես ռմբակոծված լինի (Ֆոտոշարք)

Այն նորոգելու համար դոնորների հետ բանակցում են

Հայաստան-Վրաստան միջպետական ավտոճանապարհի Վանաձոր-Ալավերդի ավտոճանապարհը  փոսառատ է: Ճանապարհի վիճակն առավել վատ է Փամբակ գյուղի տարածքում, ուր մեծ փոսերի պատճառով ավտոմեքենաները շարժվում են նվազագույն արագությամբ: Ճանապարհի  վիճակը վատ է նաեւ Վանաձոր քաղաքի հյուսիսային մուտքի մոտ:

Տրանսպորտի  եւ կապի  նախարարության «Տրանսպորտի ԾԻԳ» պետական հիմնարկի տնօրեն Էմիլ Սարգսյանը նախարարության լրատվական ծառայությանը  հայտնել է, որ Վանաձոր-Ալավերդի-Վրաստանի սահման (Մ 6) ճանապարհահատվածը հիմնանորոգելու նպատակով բանակցություններ են վարվել մի շարք դոնոր կազմակերպությունների հետ:

Կարդացեք նաև

«2021-ին ուրիշ խոստումներով ընտրվել եք, այսօր ժողովրդի մեջ մեծ անվստահություն կա, չեք գտնո՞ւմ, որ նոր ընտրություններ պետք է լինեն»․ բերքաբերցին՝ Փաշինյանին

• 15:32 18.04.2024

«Մեր մտածածն էն է, որ ոչ թե դուք ասեք՝ վայ, 50 մետր էն կողմ Ադրբեջանն է, այլ ասեք՝ վայ, ինչ լավ է, որ 50 մետր էն կողմ Ադրբեջանն է». Նիկոլ Փաշինյան

• 14:40 18.04.2024

«Միասին»-ն իր համերաշխությունն է հայտնում «Տավուշը հանուն հայրենիքի» շարժմանը

• 13:08 18.04.2024

Արդյունքում երկու դոնորի` Եվրոպական ներդրումային բանկի և Ասիական զարգացման բանկի հետ համաձայնություն է ձեռք բերվել: Ծրագիրը կազմում է մոտ 100 միլիոն եվրո, որի մի մասը կիրականացվի Եվրոպական ներդրումային բանկի, մյուս մասը` Ասիական բանկի ֆինանսավորմամբ: Եվրոպական բանկի հետ համաձայնագիրն արդեն ստորագրվել է, իսկ Ասիական զարգացման բանկի հետ բանակցությունները շարունակվում են:

Ոսկան ՍԱՐԳՍՅԱՆ