Թուրքիայի Մանիսա շրջանի հասարակաց տուն այցելած երիտասարդներից մեկը դանակահարել է ամենահին մասնագիտությամբ զբաղվող կանանցից մեկին։ Այս մասին տեղեկացնում է թուրքական «Միլիյեթը»։
Հասարակաց տուն այցելած երիտասարդին սպասարկելու համար սենյակ եկած 37-ամյա կինը հրաժարվել է սեռական հարաբերությունների մեջ մտնել երիտասարդի հետ՝ պատճառաբանելով, որ այցելուն չի գրավում իրեն։ Կնոջ պատասխանը խիստ զայրացրել է երիտասարդին, որը հացի դանակով մի քանի հարված է հասցրել կնոջը։
Աղաղակների վրա սենյակ են ներխուժել հասարակաց տան աշխատակիցները և վնասազերծել երիտասարդին։ Այնուամենայնիվ, հանցագործությունը գործած անձին հաջողվել է փախուստի դիմել, սակայն ոստիկանության ձեռնարկած միջոցառումների արդյունքում երիտասարդը ձերբակալվել է դեպքի վայրից ոչ հեռու։
Տեղի ունեցածից հետո ոստիկանությունը պարզել է, որ հանցագործությունը իրականացրած երիտասարդն երկար ժամանակ հետախուզման մեջ էր՝ պարտադիր զինվորական ծառայությունից խուսափելու համար։
Կարդացեք նաև
