Լրահոս
Օրվա լրահոսը

Բիշքեքում մեկնարկել է ԱՊՀ անդամ պետությունների կառավարությունների ղեկավարների նիստը. «ՌԻԱ»

Հունիս 07,2016 10:48

Ղրղզըստանի մայրաքաղաք Բիշքեքի «Ալա Արչա» նախագահական նստավայրում մեկնարկել է ԱՊՀ անդամ պետությունների կառավարությունների ղեկավարների նիստը։ Այս մասին տեղեկացնում է ռուսական «ՌԻԱ» լրատվական գործակալությունը։

ԱՊՀ անդամ պետությունների կառավարությունների ղեկավարների հերթական նիստի ժամանակ նախատեսվում է քննարկել ավելի քան 20 փաստաթուղթ։ Տեղեկացնենք, որ նիստին մասնակցում են Ռուսաստանի Դաշնության վարչապետ Դմիտրի Մեդվեդևը, Ղազախստանի վարչապետ Քարիմ Մսիմովը, Մոլդովայի վարչապետ Պավել Ֆիլիպը, Բելառուսի կառավարության ղեկավար Անդրեյ Կոբյակովը, Տաջիկստանի վարչապետ Կոխիր Ռասուլզադեն, Ղրղզըստանի վարչապետ Սորոնբայ Ժենբեկովը, Հայաստանի Հանրապետության փոխվարչապետ Վաչե Գաբրիելյանը, Ուզբեկստանի փոխվարչապետ Ռուստամ Ազիմովը, Ադրբեջանի փոխվարչապետ Էյուբով Յակուբ Աբդուլաօղլուն, Թուրքեմենստանի փոխվարչապետ Սաթլըք Սաթլըքովը, իսկ Ուկրաինան ներկայացնում է Ղրղզըստանում այդ երկրի արտակարգ և լիազոր դեսպան Նիկոլայ Դորոշենկոն։

Սպասվում է, որ նիստի ընթացքում քննարկվելիք հիմնական թեմաները վերաբերելու են տնտեսական խնդիրներին։ Նախատեսվում է քննարկել նաև ԱՊՀ անդամ պետություններում առողջապահության մակարդակը բարձրացնելուն ուղղված տարբեր հարցեր։

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930