Լրահոս
Օրվա լրահոսը

Ընդդիմադիր ժամանակ ՀՅԴ-ն բյուջեին դեմ է քվեարկել, կատարողականին ձեռնպահ է լինելու

Հունիս 09,2016 17:16

ՀՅԴ խմբակցության ղեկավար Արմեն Ռուստամյանն այսօր 2015-ի բյուջեի կատարման հաշվետվության մասին իր ելույթում հիշեցրեց, որ իրենք 2015-ի բյուջեի հաստատմանը դեմ էին եղել, որովհետեւ խնդիրներ էին տեսել:

Այդ մտահոգությունները, ըստ նրա, հիմա էլ կան. «Առաջինը կոռուպցիոն իրավիճակն է եւ դրա դեմ վստահելի պայքարի անարդյունավետ լինելը, երկրորդը՝ մոնոպոլիաներն են տնտեսության մեջ: Գլխավոր խնդիրը, որ գոյություն ունի՝ գնողունակ պահանջարկ ձեւավորելն է: Հասարակության հիմնական մասը ունի լուրջ սոցիալական խնդիրներ՝ առօրյա կարիքները բավարարելու: Մարդիկ ունեն պահանջներ, այդ պահանջները չեն կարողանում բավարարել»:

Արմեն Ռուստամյանն ասաց, որ կառավարման արդյունավետությունը ՀՀ-ում պետք է կարողանան բարձրացնել, ստեղծել ներդրումների համար բարենպաստ պայմաններ, կարողանան ներդրողներ հրավիրել մեր երկիր: Մարդիկ պետք է կարողանան առաջին անհրաժեշտության ապրանքները գնել:

Ըստ նրա, քանի որ մենք պատերազմող երկիր ենք, տնտեսությունը պետք է ապահովի ճակատը, պետք է ռազմարդյունաբերական համալիրը կայացնենք: Արմեն Ռուստամյանը հիշեցրեց, որ իրենք կառավարության հետ համաձայնագիր են ստորագրել տնտեսության եւ կառավարման համակարգի խնդիրներ լուծելու համար: Եվ վերջում հայտարարեց. «Քանի որ մենք բյուջեին դեմ ենք քվեարկել, բնական է, կատարողականին կողմ քվեարկել չենք կարող, ՀՅԴ-ն ձեռնպահ է լինելու»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930