Լրահոս
Օրվա լրահոսը

«Գործ 1». Ծիրանի անսամբլի «բերքը» (տեսանյութ)

Հունիս 11,2016 20:03

Մեկ տարվա աշխատանքը` ձայնասկավառակի տեսքով. Ավ. Իսահակյանի տուն-թանգարանում hունիսի 11-ին տեղի ունեցավ Ծիրանի անսամբլի «Գործ 1» ձայնասկավառակի շնորհանդեսը: Այս ձայնասկավառակում անսամբլը փորձել է առավելապես բնական ձևով մատուցել հայ երաժշտության տարբեր շերտերից վերցրած գոհարները:

«Անսամբլը չորս տարվա պատմություն ունի. ի սկզբանե գործիքային հնգյակ էր: Մոտ երկու տարի աշխատում ենք երգիչների հետ`երաժշտական մասշտաբները մեծացնելու համար: Երգիչների ներկայությամբ ավելանում են հնարավորությունները»,-ասաց անսամբլի գեղարվեստական ղեկավար Արտակ Ասատրյանը: Նրա տեղեկացմամբ`կոլեկտիվը համերգներով հանդես է եկել Հայաստանում, հյուրախաղեր ունեցել ՌԴ-ում, ԱՄՆ-ում: Երաժիշտները նոր համերգաշարեր են պատրաստում, որոնք կներկայացնեն համաշխարհային բեմերում, ինչպես նաև Լեռնային Ղարաբաղում:

tsirani

Ծիրանի անսամբլի անդամները համոզված են`ոչինչ ավելի վառ չի բնորոշում հայ մարդուն ու նրա հոգևոր գենը, քան ծիրանի ծառը: Կոլեկտիվն անդրադարձ է կատարել հայ երաժշտությանը` ձայնասկավառակում ներառելով հայ միջնադարյան, հոգևոր, ժողովրդական, գուսանական երաժշտությունը և կոմիտասյան արվեստը:

«Ծիրանի անսամբլն ինձ համար սիրելի է, քանի որ առանձնահատուկ է: Ձայնասկավառակում կան Կոմիտասի մշակումները, որոնք ես վերամշակել եմ նվագարանների համար, կան իմ ստեղծած գործերը, նյութեր, որոնք խորը միջնադարից են գալիս»,-նշեց կոմպոզիտոր Գրիգոր Առաքելյանը:

Ռոզա ԳՐԻԳՈՐՅԱՆ

Տեսանյութը` շուտով

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930