Լրահոս
Օրվա լրահոսը

Մեքսիկական աղցան

Հունիս 19,2016 12:30

Շատ հեշտ, մատչելի եւ յուրատիպ այս աղցանը նրանց համար է, ովքեր հոգնել են պարզապես ամառային աղցանից, սակայն չեն հոգնել լոլիկ-վարունգ համադրությունից:

Անհրաժեշտ մթերքները

Լոլիկ-3-4 հատ, կախված չափից

Վարունգ- 1 հատ

Ավոկադո-1 հատ

Կանաչ պղպեղ- 1 հատ

Կծու չիլի պղպեղ- 1 հատ

Կանաչ սոխ-4-5 ճյուղ (եթե գտնեք վերջին շրջանում դեֆիցիտ դարձած կարմիր գլուխ սոխ, կարող եք կանաչ սոխի ճյուղերի փոխարեն կես հատ կարմիր գլուխ սոխ կտրատել)

Համեմ-10 ճյուղ

Թանձրուկի համար

Թթվասեր- 4 ճաշի գդալ

Ձիթապտղի յուղ-2 ճաշի գդալ

Կիտրոնի հյութ- 0,5 կիտրոնի

Սեւ աղացած պղպեղ-0,5 թեյի գդալ

Աղ- ըստ ճաշակի

Քերած սխտոր- 1-2 պճեղ

Պատրաստման եղանակը

mexic1 mexic2

Բանջարեղենն ու կանաչին լվանալ, չորացնել: Լոլիկը, կանաչ պղպեղն ու վարունգը կտրատել խորանարդիկներով: Ավոկադոն՝ նույնպես: Ավոկադոյի վրա անմիջապես ցողել կիտրոնի հյութ, որպեսզի չսեւանա:

mexic3

Կանաչին եւ սոխը մանր կտրատել: Չիլի պղպեղը մեջից կիսել, սերմերը հեռացնել, որպեսզի շատ կծու չլինի: Կտրատել մնացած բաղադրիչներից շատ ավելի փոքր չափով: Բանջարեղենի տեսականին եւ կանաչին լավ խառնել: Փոքր խորն ամանի մեջ լցնել թթվասերը, վրան՝ կիտրոնի մնացած հյութը, ձիթապտղի յուղը, աղն ու պղպեղը, քերած սխտորը: Լավ խառնել, լցնել բանջարեղենի վրա, լավ խառնել:

mexic4

Բարի ախորժակ:

 

Պատրաստեց Մելանյա ԲԱՐՍԵՂՅԱՆԸ

«Առավոտ»

18.06.2016

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930