Լրահոս
Օրվա լրահոսը

Էրիկ Բարրեթ. Հայաստանը մեծ ապագա ունի տեղեկատվական տեխնոլոգիաների զարգացման ասպարեզում

Հունիս 19,2016 15:44

«Ես կարծում եմ այն, ինչ հայերն են անում տեղեկատվական տեխնոլոգիաների ասպարեզում, հիանալի է»

«Բարքեմփ 2016» չկոնֆերանսին ելույթ ունեցան ինչպես հայ զեկուցողներ, այնպես էլ արտասահմանից հյուրերը: Նրանցից «JumpStart Georgia» թբիլիսյան հասարակական կազմակերպության գործադիր տնօրեն Էրիկ Բարրեթը, վերջինս միջոցառման ընթացքում ներկայացրեց ինչպես գտնել, տարածել, բացահայտել եւ վիզուալացնել տվյալները:

Aravot.am-ի հետ զրույցում Էրիկ Բարրեթն ասաց, որ իրենց կազմակերպությունը ցանկանում է օգնել լրատվամիջոցներին, հասարակական կազմակերպություններին, հետազոտություն իրականացնող կազմակերպություններին, քանի որ շատ անգամներ նրանք չգիտեն, որ նման տեղեկատվություն գոյություն ունի, որ այն հասանելի է իրենց համար, եւ իրենք կարող են օգտագործել այդ տվյալները:

eric-barret1

Էրիկ Բարրթեն արդեն երրորդ անգամ է Հայաստանում. «Ես կարծում եմ այն, ինչ հայերն են անում տեղեկատվական տեխնոլոգիաների ասպարեզում, հիանալի է: Կարծում եմ, ցավալի է, որ շատ անգամ մարդիկ չգիտեն, որ իրենց օգտագործածը լինի՝ ծրագիր, թե համակարգչի բաղկացուցիչ մասեր, Հայաստանից է: Հայաստանը ավելի շատ պետք է հաղորդակցվի եւ ապացուցի մարդկանց, որ Հայաստանը լավ նշանակետ է կազմակերպությունների համար, որպեսզի աշխատեն կամ համագործակցեն տեղացիների հետ»:

Նա համարում է, որ Հայաստանը մեծ ապագա ունի տեղեկատվական տեխնոլոգիաների զարգացման ասպարեզում, եւ այդ ճանապարհն ընտրելը Հայաստանի համար ճակատագրական է. «Սա աշխարհի ապագան է, ամեն ինչ հիմնված է տեղեկատվական տեխնոլոգիաների վրա եւ ունի տեխնիկական բաղադրիչ: Հայաստանը կարող է դրա մեծ մասը լինել եւ պետք է լինի դրա մեծ մասը»:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930