Հայ տաքսիստները խոստանում են բողոքի մեծ ալիք սկսել ընդդեմ «Yandex taxi» -ի: Այս տաքսի ծառայության մուտքը Հայաստան նախատեսված է առաջիկայում:
«Խնդիրը քննարկվում է տարիներ շարունակ, երբ բնագավառում հայտնվեց «gg» տաքսի ծառայությունը, մենք հարցը բարձրացրել ենք տրանսպորտի նախարարությունում: Տաքսիստները վճարում են լիցենզիայի համար, վարորդի գրանցման, հեռահաղորդակցման սարքավորումների համար»,- «Նոյան Տապան» մամուլի ակումբում այսօր ասաց Ավտովարորդների պաշտպանության լիգայի նախագահ Տիգրան Հովհաննիսյանը:
Ըստ նրա, «gg»-ն hայտարարել էր, որ ինքն այլընտրանքային ուղեւորափոխադրումներ է իրականացնելու. ցանկացած վարորդ կարող է մասնակից լինել, անհրաժեշտ է պարզապես սմարթֆոնով գրանցվել եւ ծառայություն մատուցել:
Պարոն Հովհաննիսյանն անարդար է համարում այն, որ տրանսպորտի եւ կապի նախարարությունն իրենցից պահանջում է լիցենզավորում, իսկ ինչ-որ ընկերություն կարող է պարզապես 100-120 դրամ ամեն պատվերից վերցնելով՝ շրջանառություն ապահովել՝ չունենալով լիցենզավորված տաքսիներ.
Կարդացեք նաև
«Հայտնվում է «Yandex taxi»-ն, որն ունի ՌԴ-ում 100 հազարից ավելի ավտովարորդներ, իսկ հայտնվելու միակ նպատակը «gg» տաքսուն մրցակցությունից հանելն է, քանի որ մեր տվյալներով « Yandex taxi» տաքսի ծառայության մինիմալը լինելու է 2 կիլոմետրը 100 դրամ, այսինքն, կմոնոպոլիզացնեն ամբողջ դաշտը»:
Տիգրան Հովհաննիսյանը նաեւ պատմեց, որ ամիսներ առաջ «Yandex taxi»-ի մենեջերները շրջել են քաղաքով մեկ ու անհատ տաքսու վարորդներին համոզել, որ իրենց մեքենաների վրա փակցնեն «Yandex taxi» ծառայության գովազդը՝ առաջարկելով դրա դիմաց վճարել օրական 20 հազար դրամ:
Ավտովարորդների պաշտպանության լիգայի փոխնախագահ Պողոս Օղլուկյանն էլ սպառնաց՝ եթե «Yandex taxi»-ն մտնի Հայաստան, իրենք կհանձնեն իրենց լիցենզիաները եւ դատի կտան կառավարությանը:
Արփինե ՍԻՄՈՆՅԱՆ
Ինչ էք այդքան լացում քաղաքի մի ծայրից միուս ծայրը հասնելուց լավ էլ վերցնում եք
Տաքսիստներից լացկան ու ուզվոր երեւի թե մենակ տաքսիստներին են: Միշտ:
Տիգրան – Տաքսիստներից լացկան ու ուզվոր ներ էս …