Լրահոս
Օրվա լրահոսը

ԵԽԽՎ-ում շրջանառվում է ԼԳԲՏ անձանց իրավունքների պաշտպանությանը նվիրված հայտարարություն

Հունիս 24,2016 16:20

Եվրոպայի խորհրդի խորհրդարանական վեհաժողովի (ԵԽԽՎ) ամառային նստաշրջանի ընթացքում շրջանառության մեջ է դրվել ԼԳԲՏ անձանց խոսքի ազատության իրավունքի պաշտպանությանը նվիրված գրավոր հայտարարություն:

Հայտարարությունը ստորագրել են 20 պատվիրակներ Ավստրիայից, Շվեդիայից, Իտալիայից, Դանիայից և այլ երկրներից:

Փաստաթղթում հիշատակվում է այն, որ 2016-ի ապրիլին Մոլդովայի խորհրդարանում շրջանառության մեջ դրվեց մի օրինագիծ, որն արգելում էր սեռական փոքրամասնությունների քարոզչությունը:

Ուստի ԵԽԽՎ գրավոր հայտարարությունը ստորագրած պատվիրակներն իրենց մտահոգությունն են հայտնում, որ նմանատիպ օրինագծեր են շրջանառվում նաև ՌԴ-ի, Լիտվայի խորհրդարաններում:

Մտահոգություն կա այն մասին, որ նման վերաբերմունքը ԼԳԲՏ անձանց շուրջ ձևավորում է ատելության մթնոլորտ, ինչը նպաստում է այս անձանց նկատմամբ խտրական վերաբերմունքին:

Հայտարարությամբ կոչ է արվում անհապաղ վերացնել բոլոր նման օրինագծերը, ինչպես նաև հորդորում անդամ պետությունների քաղաքական ղեկավարներին ապահովել ԼԳԲՏ անձանց խոսքի ազատության իրավունքը:

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Հունիս 2016
Երկ Երե Չոր Հնգ Ուրբ Շաբ Կիր
« Մայիս   Հուլ »
 12345
6789101112
13141516171819
20212223242526
27282930